Adam saýdasy adam quqyqtaryn buzýdyń eń qatygez nysandarynyń biri. Adam saýdasynyń el ekonomıkasyna keri áserin tıgizetinin jáne eldiń ulttyq qaýipsizdigine qater tóndiretinin eskere otyryp, Qazaqstan Respýblıkasy Prezıdentiniń janyndaǵy Adam quqyqtary jónindegi komıssııa 2006 jyly úsh tilde adam quqyqtaryn qorǵaý týraly negizgi baıandama jasady. 2007 jyly bul esep BUU-nyń adam quqyqtary jónindegi sharttyq organdaryna usynyldy. Qujatta adam saýdasyna erekshe nazar aýdarý, adam saýdasyna qarsy zańdar shyǵarý jáne halyqaralyq sharttardy ratıfıkaııalaý usynylady. Bul týraly Ortalyq kommýnıkaııalar qyzmetinde QR Prezıdenti janyndaǵy Adam quqyqtary jónindegi komıssııa tóraǵasynyń orynbasary Tastemir Ábishev aıtty.
Onyń aıtýynsha, QR Ishki ister mınıstrligi tıisti hattamalardy daıyndap, bekitken.
«Bul óte kúrdeli másele. Bul elimizdiń qaýipsizdigine úlken áser etedi. Jalpy, ol zańsyz tabys boıynsha álemde úshinshi orynda. Birinshi orynda zańsyz qarý saýdasy, ekinshi orynda esirtki bıznesi, úshinshi orynda adam saýdasynyń zamanaýı túrleri tur. Iaǵnı, qanaý, eńbek qanaý, jynystyq qanaý, múshelerdi alý, qyzdarymyzdy aldap, sýrrogat ana retinde paıdalaný. Munyń bári adam saýdasynyń zamanaýı túrlerine qatysty», - dedi spıker.
2013 jyly Komıssııa adam saýdasyna qarsy kúres salasyndaǵy adam quqyqtarynyń saqtalýy týraly esep daıyndady. Bul qujatta Úkimet pen Parlamentke jeke zań qabyldaý usynylyp otyr. Odan keıin eńbek mıgranttary men adam saýdasynyń qurbandarynyń quqyqtaryn qorǵaý týraly taldamalyq baıandama daıyndaldy.
2020 jyly taǵy bir esep daıyndalyp, oǵan Memleket basshysy oń baǵasyn berdi. Keıin salany retteýge arnalǵan tıisti zań qabyldandy. Tastemir Ábishevtiń aıtýynsha, endi bul qujat normalaryn júzege asyrý úshin barlyq jaýapty organdar birlesip jumys isteýi kerek.
