«Ashyq NQA» portalynda «Qazaqstan Respýblıkasy azamattarynyń borysh júktemesin azaıtýǵa bólingen qarajatty paıdalanýdyń keıbir máseleleri týraly» Úkimettiń 2019 jylǵy 15 shildedegi № 520 qaýlysyna ózgerister engizýge arnalǵan qujattyń jobasy jarııalanyp, 2019 jyly júrgizilgen nesıelik raqymshylyqty uzartý usynyldy.
Sebebi áleýmettik jaǵynan osal toptardyń ishinde 300 myń teńgeni keshirý sharasyn paıdalanyp úlgermegen azamattar bar. Bul týraly Azattyq ruhy jazdy.
«Qoldanystaǵy qaýlyda kózdelgen merzimder aıaqtalǵannan keıin memlekettik organdardyń aqparattyq júıelerinde derekterdiń bolmaýyna baılanysty bereshegi ótelmeı qalǵan adamdar anyqtaldy», - delingen qujat jobasynda.
Qujat jobasynda kórsetilgendeı:
2019 jylǵy 1 maýsymdaǵy jaǵdaı boıynsha bir qaryz alýshyǵa 300000 (úsh júz myń) teńgeden aspaıtyn mólsherde negizgi borysh jáne syıaqy boıynsha bereshekti óteý júzege asyrylatyn boryshkerlerdi jáne olardyń qaryzdaryn jáne (nemese) mıkrokredıtterin aıqyndaıdy jáne mynadaı basymdyqtardy eskere otyryp, aqy tóleýge arnalǵan tizimdi qalyptastyrady:
birinshi kezekte JSTM mólsheri eń kóp qaryzdar jáne (nemese) mıkrokredıtter boıynsha bereshek óteledi;
ekinshi kezekte 2019 jylǵy 1 maýsymdaǵy jaǵdaı boıynsha negizgi borysh jáne syıaqy boıynsha eń kóp bereshegi bar qaryzdar jáne (nemese) mıkrokredıtter boıynsha bereshek óteledi;
úshinshi kezekte qaryz jáne (nemese) mıkrokredıt shartyn jasaý merzimi anaǵurlym erte qaryzdar jáne (nemese) mıkrokredıtter boıynsha bereshek óteledi;
Qujattyń jobasy 14 maýsymǵa deıin talqylaýǵa shyǵarylyp otyr.
