Prezıdent Qasym-Jomart Toqaev óziniń Joldaýlarynda aýyl sharýashylyǵyn damytýǵa erekshe nazar aýdaryp keledi. Onyń ishinde "taýarlyq nesıe" baǵdarlamasy aýyl turǵyndarynyń ál-aýqatyn arttyrý men aýyl sharýashylyǵyn qoldaýǵa baǵyttalǵan mańyzdy bastama retinde qarastyrylǵan.
Memleket basshysy: «Byltyr «Aýyl amanaty» jobasy bastaldy. Jalpy nátıjesi jaman emes. Aýyl sharýashylyǵyndaǵy eńbek ónimdiligin arttyrý úshin jańa quraldardy engizý qajet. Solardyń biri – taýarlyq nesıe júıesi. Bul júıe aýyl turǵyndaryna mal basyn kóbeıtýge jáne jergilikti óndiristi damytýǵa múmkindik beredi.»
Taýarlyq nesıe berý Qaraǵandy oblysy Buqar jyraý aýdanynda júzege asyryla bastady.
Baǵdarlamanyń alǵashqy qatysýshysy - Evgenıı Erǵalıuly Ápeıisov basqaratyn «Shatan» sharýa qojalyǵy. Bul qojalyq Belaǵash aýylynyń turǵyndaryna iri qara maldaryn bólip berdi. Bul - az qamtylǵan aýyl turǵyndaryna degen qamqorlyqtyń jarqyn úlgisi, ári aýyl sharýashylyǵy salasynyń ózge de ókilderine úlgi ónege bolady dep senemiz.
Taýarlyq nesıe berý júıesi aýyldyqtardyń mal men tehnıka alýyna múmkindik beredi. Qaıtarymy ónim túrinde júzege asyrylatyn bul ádis aýyl kásipkerlerine úlken qoldaý bolyp otyr. Prezıdenttiń aıtýynsha, mundaı jobalar aýyl ekonomıkasyn turaqty damytýǵa jáne halyqtyń turmys sapasyn jaqsartýǵa yqpal etpek.
