Qaraǧandy oblysynda Düniejüzılık tazalyq künıne orai ötken ekologiialyq aksiiaǧa 17 myŋnan astam tūrǧyn atsalysty.
Nätijesınde 20 myŋ tonnadan astam qoqys jinalyp, onyŋ basym bölıgı qaita öŋdeuge jıberıldı. Senbılıkter öŋırdıŋ barlyq qalalary men audandarynda ūiymdastyryldy.
Qaztūtynuodaǧy Qaraǧandy universitetınıŋ studentterı de bastamany belsendı qoldady. Olar oqu ornyna jaqyn jasyl beldeudı tazartty.
Qatysuşylar bırneşe topqa bölınıp, qoqysty bölşektep jinady: plastik, şyny jäne qaita öŋdeuge jatpaityn qaldyqtar. Ūiymdastyruşylardyŋ pıkırınşe, mūndai täjıribe jastardyŋ tūrmystyq qaldyqtarǧa jauapkerşılıkpen qarau mädenietın qalyptastyrady.
— Aksiia aiasynda rūqsatsyz qoqys oryndaryn joiu, saiabaqtar men demalys aimaqtaryn tazalau jürgızılude. Quantatyny, erıktıler qatary jyldan-jylǧa artyp keledı. Būl — ekologiialyq mäselelerdı şeşuge qoǧamnyŋ şynaiy beiıldılıgınıŋ körsetkışı, — dep atap öttı Qaraǧandy oblysy Ekologiia departamentı bölımınıŋ mındetın atqaruşy Temırlan Töleutai.
Universitet basşylyǧynyŋ aituynşa, ekologiialyq tärbie studenttermen jūmystyŋ ajyramas bölıgı.
— Bız äleumettık jūmys fakultetınde oqimyz, degenmen ekologiia mäselelerı de bız üşın özektı. Bügın qala tūrǧyndarymen bırge senbılıkke qatysyp, Qaraǧandyny taza ärı körıktı etuge üles qostyq, — deidı student Jansaia Qazbekova.
Tazalyq künıne arnalǧan senbılık Qarqaraly ūlttyq tabiǧi parkınde de öttı. Mūnda jastar ormandy alqapty qoqystan tazartty.
«Taza Qazaqstan» aksiiasy men Düniejüzılık tazalyq künı aiasynda ötken ekologiialyq şaralar bügın Qaraǧandy oblysynyŋ barlyq öŋırınde jalǧasyn tabuda.
Ekobastama qoǧamdyq aumaqtardy tazartuǧa, rūqsatsyz qoqys oryndaryn joiuǧa, sondai-aq qaldyqtardy bölek jinau mädenietın qalyptastyruǧa baǧyttalǧan.
Tazalyq jūmystaryna erıktıler, studentter jäne türlı ūiymdardyŋ qyzmetkerlerı belsene qatysty.
