Qaraǧandyda köpqabatty üidıŋ joǧarǧy qabatynan qūlap ketken üş jasar balanyŋ ömırın patruldık polisiia qyzmetkerlerı qūtqaryp qaldy, dep habarlaidy "Adyrna" ūlttyq portaly.
Olardyŋ jedel äreketı äleumettık jelı qoldanuşylarynyŋ alǧysyna bölendı. Jelıde taraǧan jazbada tūrǧyndar patruldık polisiia qyzmetkerlerı Iliias Atbekov pen Magomed Iаkubovty arnaiy ızdep tauyp, rizaşylyqtaryn bıldırgenı aitylǧan.
Jaraqat alǧan büldırşındı körgen poliseiler ony bırden qyzmettık kölıkke otyrǧyzyp, arnaiy dabyl qosylǧan küide auruhanaǧa jetkızgen. Sonyŋ arqasynda därıgerler balaǧa uaqytyly medisinalyq kömek körsetıp, onyŋ ömırın saqtap qalǧan.
Kuägerlerdıŋ aituynşa, oqiǧa ornynda ata-analar men tūrǧyndar qatty abdyrap qalǧan. Sol sebeptı olar balany auruhanaǧa jetkızgen poliseilerdıŋ aty-jönın sūrap ülgermegen. Al patruldık ekipaj därıgerlerge balany tapsyrǧannan keiın qaitadan qyzmettık mındetın atqaruǧa kırısken.
Keiın tūrǧyndar batyr poliseilerdı qyzmettık kölıktıŋ memlekettık nömırı arqyly tauyp, alǧysyn jetkızgen.
