Áleýmettik jelide Qaraǵandy oblysyndaǵy Qarqaraly aýdanynda dala órtinen janýarlardyń zardap shegip, qashyp jatqany túsirilgen beıne jarııalandy. Jazbada maldyń qyrylýy múmkin ekeni jazylǵan, dep habarlaıdy "Adyrna" ulttyq portaly.
Qarqaraly aýdanynyń ákimdigi mal shyǵynyna qatysty derekter tirkelmegenin málimdedi. Búginde dala órtin joıý úshin barlyq shara qabyldanýda.
24.kz arnasynyń málimetinshe, mal shyǵyny týraly esh aqparat joq.
"Terekti aýylynda TJ jónindegi vıe-mınıstrdiń qatysýymen jedel shtab ashyldy. Órtti joıý boıynsha barlyq shara qabyldanýda. Kúsh pen qarajat jetkilikti. JJM tolyǵymen qamtamasyz etilgen. Qutqarýshylarǵa tamaq pen sý jetkizilýde. Qazirgi ýaqytta mal shyǵyny týraly aqparat joq. Alaıda biz barlyq fermermen baılanystamyz", – dedi tilshi Ádiljan Arǵynov.
Aıta keteıik, Qaraǵandy oblysynyń Qarqaraly aýdany jáne Pavlodar oblysynyń Baıanaýyl tabıǵı parkindegi dala órti 45 myń gektar jerge tarap úlgergenin jazǵan edik.
