Aqtauda er adam kämeletke tolmaǧan qyzdy zorlaǧany üşın 15 jylǧa sottaldy, dep habarlaidy "Adyrna" ūlttyq portaly Orda.kz-ke sıltep.
Sot barysynda jäbırlenuşı jıgıttıŋ ony küşpen jynystyq qatynasqa tüsuge mäjbürlegenın, erkınen tys şeşındırgenın jäne äleumettık jelılerde kompromat jariialaimyn dep qorqytqanyn aitty
21 jastaǧy jıgıttıŋ ata-anasy onyŋ 17 jastaǧy qyzben kezdesıp jürgenın jäne oǧan üilenbek bolǧanyn aitqan. Alaida būl ıske jäbırlenuşınıŋ otbasy aralasqany anyqtaldy. BAQ mälımetınşe, jasöspırımnıŋ joǧary lauazymdy poliseidıŋ qyzy ekenı anyqtaldy.
2025 jyldyŋ aqpan aiynyŋ basynda Maŋǧystau oblysynyŋ audanaralyq qylmystyq soty 21 jastaǧy azamatqa ükım şyǧardy. Ol QR Qylmystyq kodeksınıŋ 120-baby («zorlau») boiynşa kınälı dep tanylyp, 15 jylǧa bas bostandyǧynan aiyryldy.
Sot jabyq rejimde öttı. Istıŋ egjei-tegjeiın sottaluşynyŋ otbasy baiandady.
«Bız şılde aiynda ūlymyzdy üilendıremız dep daiyndalyp jürgenbız. Mamyr aiynyŋ soŋynda Elnūr A.-ǧa (jäbırlenuşıge) üilengısı keletının aityp, būl turaly anasyna habarlauyn sūraǧan. Alaida qyz kenetten olar endı kezdespeitının jäne oquyn jalǧastyratynyn aitty. Ūlym abyrjyp, maǧan qyzdyŋ jauabyn jetkızdı», – dedı sottalǧan jıgıttıŋ anasy Zyliha Orazbaeva.
Äieldıŋ sözınşe, er adam jäbırlendım degen qyzdan qarym-qatynastyŋ aiaqtalu sebebın sūraǧan. Bıraq qyz qoŋyraularǧa jauap bermei qoiǧan körınedı.
«Keiın ūlyma qyzdyŋ anasy habarlama jazdy: «Sen menıŋ qyzyma jolauşy bolma. Men qyzymdy sen siiaqtyǧa bermeimın. Sen onyŋ tyrnaǧyna da tatymaisyŋ». Bıraz uaqyttan keiın polisiia qyzmetkerlerı ūlymnyŋ jūmysyna kelıp, ony bölımşege alyp kettı. Ol jerde keşkı altyǧa deiın ūstady. Basynda eşqandai şaǧym bolmaǧan. Keiınnen qyzdyŋ äkesınıŋ nūsqauymen Elnūrdan jauap alynǧan», – deidı Zyliha Orazbaeva.
Ūqsas jaŋalyqtar
