Qazaqstan quramasynyń bas bapkeri, reseılik maman Stanıslav Cherchesov qazaq tili týraly aıtyp, synǵa ushyrǵan sózine qatysty pikir bildirdi. Bul týraly Sports.ru portaly jarııalandy, dep habarlaıdy “Adyrna” ulttyq portaly.
Eske salsaq, Slovenııamen ótken Ulttar lıgasynyń matchynan (0:1) keıin Qazaqstan quramasynyń bas bapkeri, reseılik maman Stanıslav Cherchesov qazaq tilinde suraq qoıǵan «PSJ» jeıdesin kıgen jýrnalıstke: «Sen qazir franýzsha sóılep tursyń ba?» degen edi. Osy sózden keıin ol Qazaqstanda tilge qurmetsizdik kórsetti dep synǵa ushyrady.
Keıin Cherchesov bul jaǵdaıǵa túsinikteme berdi.
"Múldem eshteńe bolmady. Shynymen. Aıtqanym shyndyq. Bul máseleni osylaı órshitýge eshqandaı negiz bolǵan joq. Eshkimge (jýrnalıstke) renjimedim, eshnárse jaman aıtpadym. Óz jumysymdy jasap júrmin. Ózime de qaljyń aıta beremin, kórip turǵanyńyzdaı. Jýrnalıst «PSJ» formasyn kıip, matchqa kelip, birinshi suraq qoıdy. Men onymen ázildesip sóılestim. Eger ázildi túsinbese, demek, meniń qateligim. Biraq keshirim suraýdyń máni joq, óıtkeni eshteńe jasaǵan joqpyn. Tipti odan ornynan turyp, aınalýyn ótindim, adamdar ne aıtqanymyzdy túsinýi úshin”, – dedi Cherchesov.
Qazaqstan fýtbol federaııasy bul áreketi úshin Cherchesovqa 738 400 teńge kóleminde aıyppul salǵan bolatyn.
