Jýrnalıst Móldir Baqyt qoǵamda qalyptasqan jaǵdaıǵa qatysty azamattyq pikir bildirip, kásiptik qazaq tili, ulttyq uıysý máselesin ashyp jazdy, dep habarlaıdy "Adyrna" ulttyq portaly.
- Reseı Qyrymdy basyp alǵan soń, Qazaqstanǵa ýkraın jigitteri kóp kele bastady. Kóz aldymda úsh jýrnalıs qyz Ýkraınadan kelgen jigitterge turmysqa shyqty. Sodan beri osy elde turady. Úbirli-shúbili otbasyǵa aınaldy. Jaǵdaılary bes. Bıznes ashty, basqasymen aınalysty. Qazaqstanǵa tez sińisip ketti. Bizdikiler olardy maman retinde de joǵary baǵalaıdy. Qazir kez kelgen qazaqtan jaqsy ómir súredi. Jalpy bul elde orystildi adamdarǵa jetistikke jetý ońaıyraq qoı, - dedi jýrnalıst.
Avtor óz pikirin qoǵamdaǵy qazaqtildilerdiń áleýmettik statýsyna qatysty kózqarasymen órbitti. Bul jaıynda:
"Sosyn osy FB [feısbýk] segmentte de qazaqsha jazatyn aqyldy adamnan(qyzdan), oryssha jazatyn ortasha aqyldy adam (qyz) áldeqaıda joǵary baǵalanady. Aqyldy degende, pafosqa toly dúnıeler emes, adekvattylyq turǵysynan aıtam", - dedi Móldir Baqyt.
