Qazaqstanda tórtinshi munaı óńdeý zaýyty salynady. Bul týraly Energetıka mınıstri Almasadam Sátqalıev Májiliste ótken Úkimet saǵatynda aıtty, dep habarlaıdy «Adyrna» tilshisi.
«2036 jyly kútiletin jeńil munaı ónimderiniń tapshylyǵyna baılanysty qýaty jylyna 10 mln tonna bolatyn jańa munaı óńdeý zaýytyn salý máselesin qarastyryp jatyrmyz. 2030 jyldan keshiktirmeı jobalaýdy bastasaq, 2032 jyly qurylysyna kirisý kózdelgen»,—dedi ol.
Mınıstrdiń sózinshe, jańa MÓZ salý eldiń 2040-2050 jyldar aralyǵynda janar-jaǵarmaı qajettiligin qamtamasyz etip, munaı ónimderin Ortalyq, Ońtústik jáne ońtústik-batys Azııanyń qarqyndy damyp kele jatqan naryqtaryna eksporttaý múmkindigin ashady.
Aıta keteıik, qazirgi tańda Pavlodar, Atyraýda jáne Ońtústik Qazaqstan oblysynda munaı óńdeý zaýyty bar. Alaıda bul zaýyttar qazaqstandyqtardyń suranysyn tolyq óteı almaı keledi.
Tórtinshi munaı óńdeý zaýytyn salý máselesi 2015 jyly kóterilgen edi. Sol jyldary MÓZ 2021 jyldyń II toqsanynda iske qosylýy múmkin degen aqparat tarady. Alaıda joba júzege aspady.
