Abai oblysynda mektep qazandyǧy jarylyp, jūmysşy zardap şektı. Būl turaly oblystyq bılım basqarmasy mälımdedı, dep habarlaidy “Adyrna” ūlttyq portaly.
Aqparatqa säikes, bügın Ürjar auyly Bauyrjan Momyşūly atyndaǧy orta mekteptıŋ bölek ornalasqan qazandyǧynda jarylys bolǧan. Aldyn ala derekter boiynşa, apattyŋ sebebı – jylu jüiesındegı ainalymnyŋ būzylyp, qazandyqtaǧy qysymnyŋ köterıluı.
“Jarylys saldarynan 18 şarşy metr alaŋda qazandyq şatyrynyŋ jarty bölıgı opyryldy. Oqiǧa ornynda TJD jäne jergılıktı atqaruşy organdar jūmys ıstep jatyr. 1970 jylǧy jūmysşy 2-3-därejelı küiık aldy. Zardap şekken adam audandyq auruhananyŋ hirurgiia bölımıne jatqyzyldy. Qazır jaǧdaiy tūraqty”, – delıngen oblystyq bılım basqarmasy habarlamasynda.
Vedomstvo mälımetınşe, 943 oquşy men 117 mūǧalımnıŋ bılım beru prosesı toqtatylǧan joq. Rezervtık qazandyqtyŋ arqasynda mektep ǧimaratyna jylu berılıp jatyr.
Demalys künderı jaŋa qazandyq ornatu josparlanǧan.
Ūqsas jaŋalyqtar
