Abaı oblysynda mektep qazandyǵy jarylyp, jumysshy zardap shekti. Bul týraly oblystyq bilim basqarmasy málimdedi, dep habarlaıdy “Adyrna” ulttyq portaly.
Aqparatqa sáıkes, búgin Úrjar aýyly Baýyrjan Momyshuly atyndaǵy orta mekteptiń bólek ornalasqan qazandyǵynda jarylys bolǵan. Aldyn ala derekter boıynsha, apattyń sebebi – jylý júıesindegi aınalymnyń buzylyp, qazandyqtaǵy qysymnyń kóterilýi.
“Jarylys saldarynan 18 sharshy metr alańda qazandyq shatyrynyń jarty bóligi opyryldy. Oqıǵa ornynda TJD jáne jergilikti atqarýshy organdar jumys istep jatyr. 1970 jylǵy jumysshy 2-3-dárejeli kúıik aldy. Zardap shekken adam aýdandyq aýrýhananyń hırýrgııa bólimine jatqyzyldy. Qazir jaǵdaıy turaqty”, – delingen oblystyq bilim basqarmasy habarlamasynda.
Vedomstvo málimetinshe, 943 oqýshy men 117 muǵalimniń bilim berý proesi toqtatylǵan joq. Rezervtik qazandyqtyń arqasynda mektep ǵımaratyna jylý berilip jatyr.
Demalys kúnderi jańa qazandyq ornatý josparlanǵan.
