Mäjılıstegı "Ak jol" QDP fraksiiasynyŋ deputaty B. Düisenbinov QR Premer-Ministrınıŋ orynbasary Eraly Toǧjanovqa deputattyq saual joldady, dep habarlaidy zakon.kz.
"Aq jol" fraksiiasynyŋ deputattary öŋırlerde käsıpkerlermen kezdesu barysynda bırqatar mäselelerdı talqylaǧan eken. Solardyŋ ışınde restoratorlarmen karantindık şekteulerge qatysty mäsele qyzu pıkırtalas tuǧyzypty. Osy biznestıŋ ökılderı otbasylyq ıs-şaralardy ötkızuge tyiym saludy alyp tastaudy talap ete otyryp, öz tarapynan ūsynystar paketın de daiyndap qoiǧan: mysaly, qyzmetkerlerdı 100 paiyz vaksinasiialau, "Ashyq" jüiesın qoldanu, üi-jailardy dezinfeksiialau, keluşıler tolymdylyǧyn 30-50 paiyzdan asyrmau, bır keluşıge 4 şarşy metrden kem bolmauy jäne taǧy basqalary.
Olardyŋ aituynşa, pandemiianyŋ alǧaşqy künderınen bastap, özderı karantindık şaralarǧa belsendı türde yqpal etken, jūmystaryn toqtatyp, jūmyssyz qalǧan qyzmetkerlerge jinaqtarynan jalaqy tölep, auruhanalarǧa qajettı jabdyqtar men jeke qorǧanu qūraldaryn satyp aluǧa kömektesıp, bügınde de mūqtaj adamdarǧa därı-därmekpen, azyq-tülıkpen kömektesudı jalǧastyruda.
Käsıpkerlerdıŋ jinaǧan qorlary da, şydamdary da tausyluda. Kündelıktı tūrmys-tırşılık şyǧyndaryna qosa, şekteulerge bailanysty jūmyssyz bos tūrǧan ǧimarattardyŋ kommunaldyq tölemderı, ony qarap, küzetuge ketetın tölemder käsıpkerlerge jyǧylǧannyŋ üstıne jūdyryq bolyp otyr. Soŋǧy ekı jyl boiy būl jaǧdaidyŋ özgeretın türı joq.
Ökınışke qarai, virus ömırımızdıŋ tūraqty faktoryna ainaluda. Al ömır jalǧasuda: jastar otbasyn qūrady, adamdar tuylady jäne qaitady. Bızdıŋ halqymyz qyzyǧyn da, qaiǧysyn da jaqynymen bırge bölısken edı. Al bügınde azamattarymyz keŋ ǧimarattarda saqtyq şaralaryn saqtai otyryp ötkızetın otbasylyq şaralardy antisanitarlyq tar jerlerde tyǧylyp ötkızuge mäjbür boluda.
Otbasylyq şaralardy ötkızuge rūqsat bermeu, şyn mänınde, ındettıŋ taraluyn toqtatuǧa eş äser etıp otyrǧan joq. Şekteu şaralary közboiauşylyqqa, ındetpen kürestıŋ beişara körınısıne, korrupsiiaǧa ainaldy. Resmi türde şekteu bolǧanymen, ıs jüzınde janūialyq şaralar men toi jiyndar päterlerde, jeke üiler men közden tasa kafelerde ötıp jatyr.
Onyŋ üstıne, öŋırlerde şeneunıkterge jaqyndyǧy bar nemese "qajet jerde" qūnyn tölegen meiramhanalar täulık boiy eşqandai şekteusız, qonaqtar sanyna qaramai jūmys ısteitındıgı de eşqandai da qūpiia emes. Sondai-aq, qoǧamdyq kölıkterdegı iıntıresken adamdar men Halyqqa qyzmet körsetu ortalyqtaryndaǧy ūzynsonar kezekterdı körgende qandai sanitarlyq normalar turaly aituǧa bolady?!
Joǧaryda aitylǧandardy eskere otyryp, "Aq jol" fraksiiasynyŋ deputattary Ükımetke osy mäselenı jedel qarastyryp, şūǧyl şeşım qabyldau maqsatynda bırneşe balamaly jobalar:
1) otbasylyq şaralardy ötkızuge tyiym salynatyn bolsa, onda bügınde şekteudıŋ nätijesınde qaŋyrap bos tūrǧan ǧimarattardy odan ärı paidalanu, olardy jaŋa maqsatqa beiımdeuge mektepter, auruhanalar, sport mekemelerıne ainaldyryp, qaita jabdyqtauǧa kömektesudı;
2) eger otbasylyq şaralar ötkızuge rūqsat etılgen jaǧdaida, daǧdarystan şyǧaruǧa qauqarly, qajettı, ärı käsıpkerlerge tüsınıktı, ädıl şaralardy qarastyra otyryp, şekteuden retteuge köşıp, biznes obektılerın qaita jandandyrudy jäne restoratorlardyŋ karantindık talaptardy oryndau maqsatynda äzırlegen ūsynystar paketın qarastyrudy;
3) ındettı fors-major retınde resmi türde moiyndap, toqtap tūrǧan şaǧyn jäne orta biznes obektılerı boiynşa kommunaldyq tölemderge, mülık salyǧyna jūmsalatyn basqa da şyǧyndardy öteudı ūsynady.
Qoryta aitqanda, Ükımetke osy sala boiynşa däl qazır naqty şeşım qabyldaityn uaqyt keldı. Keşıgetın bolsaq, osy salanyŋ el ekonomikasynda bolu ne bolmau mäselesı tuyndauy sözsız.
Ūqsas jaŋalyqtar
