Osydan 105 jyl buryn, ıaǵnı, 1915 jyly 4 qarashada Orynbor qalasynda jýrnalıst, ádebı muralardy jınaýshy Gúlnár Mirjaqypqyzy Dýlatova dúnıege keldi. Alash qozǵalysy kósemderiniń biregeıi, ulttyń uly tulǵasy Mirjaqyptyń qyzy degen atqa saı ómir súrgen Gúlnar apamyzdy "Adyrna" ulttyq portaly ujymy saǵyna eske alady.
Almaty memlekettik medıına ınstıtýtyn (qazirgi S.D. Asfendııarov atyndaǵy Qazaq ulttyq medıınalyq ýnıversıtet) bitirgen. 1939-1987 jyldary – dáriger-dermatolog qyzmetin atqarǵan. Ol – «Alash» qozǵalysynyń qaıratkerleri Álıhan Bókeıhanov, Ahmet Baıtursynuly, Mirjaqyp Dýlatov, Júsipbek Aımaýytov, taǵy basqalar týraly derekterdi alǵash jarııalaýshy.
Almatydaǵy Ortalyq murajaıǵa, Torǵaıdaǵy, Semeıdegi, Astanadaǵy murajaılarǵa saıası qýǵyn-súrgin qurbandaryna qatysty olardyń jeke zattaryn, kitaptar, sýretter, hattar men qujattar, t.b. kóptegen eksponattar tapsyrǵan. Baspasózde Dýlatovanyń ocherkter men esseleri 1988 jyldan jarııalana bastady.
«Svet ıstıny» («Shyndyq shyraǵy») kitaby 1995 jyly, 1999 jyly eki tomdyǵy jaryq kórdi. Sondaı-aq, ol ákesiniń «Oıan qazaq!» (Almaty, 1989) kitabyn, 2 tomdyq shyǵarmalar jınaǵyn (Almaty, 1996, 1997), 5 tomdyq shyǵarmalar jınaǵyn (Almaty, 2004) qurastyrýshylarynyń biri.
2013 jyldyń 18 aqpanynda 98 jasqa qaraǵan shaǵynda Alashtyń aıaýly uldarynyń sońǵy tuıaqtarynyń biri Gúlnár Mirjaqypqyzy Dýlatova apamyz almaty qalasynda ómirden ótti.
