Belgılı ekonomist, bloger Däulet Mūqaev ana tılın mensınbei, öz esımderın orysşalap aitatyn qazaqtarǧa ündeu tastady, dep jazady "Adyrna" ūlttyq portaly.
"Baiqaisyzdar ma?! Qoǧamda mynadai bır tendensiia bar sekıldı... Kım orysşa söileidı sol "oqyǧan, özınşe, sauatty, mümkın aqşasy bar adam" siiaqty körınetın siiaqty. Odan bölek baǧana sauda üiınde satuşy qyzdyŋ beidjigınde aty "Aselia" dep tūr. Men oǧan "Äsel" dep söilep jatsam, maǧan "Menia zovut Aselia" deidı. Men "Aselia-au! Auyldan şyqqan kezde "Äsel" bolǧan şyǧarsyŋ" dedım. Äigerım, Ainūr, Aigül degen attardyŋ barlyǧy qazaqşa aitylady da, keiın qalaǧa kelıp "Ainura, Aigerima, Aigulia" bolyp ketedı. Qazaq bolaiyq! Kezınde orystar menıŋ atymdy qūjat boiynşa "Daulet" dep jazyp ketken ǧoi. Bıraq men ony elde "Däulet" dep aitamyn. Sondyqtan atymyzdy qazaqşa aita jüreiık!",- deidı Däulet Mūqaev.
"Adyrna" ūlttyq portaly
Ūqsas jaŋalyqtar
