Sháken Aımanovtyń 1964 jyly túsirilgen áıgili «Aldar kóse» fılminiń restavraııalanǵan nusqasy 2024 jylǵy «Eýrazııa» kınofestıvaliniń erekshe oqıǵasy bolady. Bul týraly festıvaldiń baǵdarlamalyq dırektory Dıana Áshimova málimdedi, dep habarlaıdy "Adyrna" ulttyq portaly.
Áshimova festıvaldiń eń basty sharalarynyń biri retinde ulttyq mádenıettiń qurmeti retinde usynylatyn týyndynyń jańartylǵan nusqasyn kórsetetinin atap ótti. Bul qadam qazaq kınematografııasynyń baılyǵyn jańa sapada tanytýǵa baǵyttalǵan.
«Eýrazııa» kınofestıvaliniń basty maqsattarynyń biri – mádenı baılanysty nyǵaıtý, qazaq kınosynyń jańa esimderin ashý jáne ulttyq murany dáripteý. Festıvaldiń baǵdarlamasynda «Aldar kóse» fılmi erekshe oryn alady, sebebi ol tek kıno óneriniń damýy ǵana emes, sonymen birge ulttyq qundylyqtarymyzdy saqtap, keıingi urpaqqa jetkizý jolyndaǵy mańyzdy qadam bolyp tabylady.
Halyqaralyq «Eýrazııa» kınofestıvali 2024 jyldyń 24-30 qarasha aralyǵynda ótedi.
