Läzzat Tanysbai «Qazaqstan» teleradiokorporasiiasynyŋ Basqarma töraiymy retındegı qyzmetın aiaqtap, «Euraziia» bırınşı arnasynyŋ basşylyǧyna keldı, dep habarlaidy «Adyrna» tılşısı.
«Bırge qyzmet etken ärıptesterıme alǧys aita otyryp, Basqarma töraiymy retındegı qyzmetımdı aiaqtaudy jön sanadym. Alty jyldan astam uaqytta eŋ myqty, käsıbi ūjymmen bırge jauapty kezeŋderdı eŋserıp, maqsat etıp qoiǧan jobalardy jüzege asyrdyq. Korporasiianyŋ qazırgı uaqyttaǧy jetıstıkterı ärıptesterımnıŋ öz ısıne adaldyǧy men tynymsyz eŋbegınıŋ jemısı. Osy kezeŋde qyzmetkerlerdıŋ äleumettık jaǧdaiyn jaqsartyp, käsıbi damuyna qolaily orta qalyptastyruǧa tyrystym. Sebebı jaily eŋbek - ortasy nätijelı jūmystyŋ, tūraqtylyq pen tabystyŋ negızı.
Qazaq televiziiasynyŋ qaraşaŋyraǧy sanalatyn ūiymda būǧan deiın talai jetekşılerdıŋ özıne laiyq qoltaŋbasy qaldy. Būl sabaqtastyq jalǧasyn tabuy qajet. Uaqytpen bırge basşylardyŋ da almasyp, ūiym jūmysyna jaŋa tynys, jaŋa serpın berılıp otyruy kerek dep esepteimın.
Būl şeşımıme qoldau bıldırgen sala ministrıne alǧys aitamyn. Men ärı qarai da otandyq televiziia salasynyŋ damuyna eŋbek etemın», - dedı Läzzat Tanysbai bügın Korporasiianyŋ jetekşılerımen kezdesuınde.
Ol «Qazaqstan» respublikalyq teleradiokorporasiiasyn 2019 jyldyŋ säuır aiynan berı basqarǧan bolatyn.
Endı būl qyzmettı Ernūr Burahan atqaratyn bolady. Ol 1981 jyly 16 mausymda Şyǧys Qazaqstan oblysynda düniege kelgen. Jurnalistika salasynda 20 jyldan astam täjıribesı bar. Är jyldary «Qazaqstan» telearnasynda tılşı, telejürgızuşı, «Qazaqstan» teleradiokorporasiiasynyŋ Aqtöbe oblystyq filialynyŋ direktory, «Qazaqstan» teleradiokorporasiiasyna qarasty «Qazaq radiolary» JŞS direktory qyzmetterın atqardy. Biyl qaŋtar aiynan bastap Şyǧys Qazaqstan oblysy Işkı saiasat basqarmasynyŋ basşysy qyzmetınde boldy.
