شاكەن ايمانوۆتىڭ 1964 جىلى تۇسىرىلگەن ايگىلى «الدار كوسە» ءفيلمىنىڭ رەستاۆراتسيالانعان نۇسقاسى 2024 جىلعى «ەۋرازيا» كينوفەستيۆالىنىڭ ەرەكشە وقيعاسى بولادى. بۇل تۋرالى فەستيۆالدىڭ باعدارلامالىق ديرەكتورى ديانا ءاشىموۆا مالىمدەدى، دەپ حابارلايدى "ادىرنا" ۇلتتىق پورتالى.
ءاشىموۆا فەستيۆالدىڭ ەڭ باستى شارالارىنىڭ ءبىرى رەتىندە ۇلتتىق مادەنيەتتىڭ قۇرمەتى رەتىندە ۇسىنىلاتىن تۋىندىنىڭ جاڭارتىلعان نۇسقاسىن كورسەتەتىنىن اتاپ ءوتتى. بۇل قادام قازاق كينەماتوگرافياسىنىڭ بايلىعىن جاڭا ساپادا تانىتۋعا باعىتتالعان.
«ەۋرازيا» كينوفەستيۆالىنىڭ باستى ماقساتتارىنىڭ ءبىرى – مادەني بايلانىستى نىعايتۋ، قازاق كينوسىنىڭ جاڭا ەسىمدەرىن اشۋ جانە ۇلتتىق مۇرانى دارىپتەۋ. فەستيۆالدىڭ باعدارلاماسىندا «الدار كوسە» ءفيلمى ەرەكشە ورىن الادى، سەبەبى ول تەك كينو ونەرىنىڭ دامۋى عانا ەمەس، سونىمەن بىرگە ۇلتتىق قۇندىلىقتارىمىزدى ساقتاپ، كەيىنگى ۇرپاققا جەتكىزۋ جولىنداعى ماڭىزدى قادام بولىپ تابىلادى.
حالىقارالىق «ەۋرازيا» كينوفەستيۆالى 2024 جىلدىڭ 24-30 قاراشا ارالىعىندا وتەدى.
