«Eýrazııa» birinshi arnasynda jańa maýsym!
Otandyq telearnalar arasynda sońǵy 20 jylda úzdikter qatarynda kele jatqan «Eýrazııa» birinshi arnasy jańa maýsymda kórermen nazaryna birneshe tyń jobalar usynbaq.
«Mama, maǵan daýys ber!»
Tuńǵysh ret TMD kóleminde balamasy joq, buryn-sońdy elimizde bolmaǵan «Mama, maǵan daýys ber!» mýzykalyq jobasy 4-qyrkúıekte kórermenge jol tartady. Saıysqa qatysyp, baryn salý úshin, elimizdiń eń úlken qalalaryndaǵy 300-den asa ónerpazdyń ishinen 50 úmitker tańdalǵan.
Tosyn syılar men erekshelikke toly bul baǵdarlamanyń tizginin «Shakentı» laqap atymen tanymal Shárip Serik almaq.
Birinshi oıǵa túıetini bul – otbasylyq joba. Balaǵa da, úlkenge de birdeı qyzyqty bolmaq. 15 pen 20 jas aralyǵyndaǵy ónerpazdar qatysyp, sahnada óner kórsetken óz balasyna anasy daýys beredi. Uıymdastyrýshylardyń sózinshe ázirge Qazaqstan kóleminde teńdesi joq baǵdarlama kórermenniń kóńilinen shyǵyp, otandyq estradada jańa juldyzdardyń shamyn jaǵýy ábden múmkin. Jobanyń ıdeıasy tyń, aýdıtorııasy zerttelgen, kórermenniń suranysyna jaýap beredi.
«AINA»
Oǵan qosa arnadaǵy jańalyqtar legi de kórermenge jańasha baǵytta usynylady. Ár aptanyń senbisinde tikeleı efırde beriletin «AINA» qortyndy-saraptamalyq baǵdarlamasynyń sıpaty bir bólek. Habar qoǵamnyń aınasy retinde el ishinde bolyp jatqan barlyq oqıǵalar men úrdister, problemalar men olardyń sheshimderi jáne ult jetistigin kórermenderge dáripteıdi.
Jobanyń maqsaty – elimizdi bar bolmysymen, jetistikteri men kemshilikterin qatar kórsete otyryp, bılik basynda qabyldanatyn sheshimder, ekonomıkalyq úrdisterdiń jemisi qarapaıym el azamatynyń ómirinde qandaı kórinis tabatynyn ashyp kórsetý. Ózekti hám aýqymdy máseleler sarapshylar men qoǵam ókilderiniń pikirtalasy arqyly saralansa, tilshiler elimizdiń árbir óńirinde bolyp jatqan mańyzdy oqıǵalardy pash etedi. Qazaqstannyń ulan ǵaıyr dalasyndaǵy tabıǵattyń tańǵajaıyptary men el ishindegi erek tulǵalardyń ómirinen reportajdar kórsetiledi.
«Taıny edy!»
Táýelsiz elimizdiń toqtaýsyz damýyndaǵy barlyq jetistikter ulylyarymyzdy ulyqtap, ata dástúrimizdi saqtap, tarıhymyzdy tanyp, ótkenmen sanasqandyǵymyzda ekeni sózssiz. Tamyry ǵasyrlarǵa ulasatyn dala zańdary men ulttyq salt-dástúrlerimizdi urpaqtan urpaqqa jetkizý bizge mindet. Bul baǵytta telearna jańa maýsymda biregeı jobalar kórermen nazaryna usynady. Olardyń ishinde ǵasyrlar boıy jalǵasyp kelgen rýhanı qundylyǵymyzdy, salt-dástúrimizdi, ulttyq taǵamdarymyzdy tanytatyn «Taıny edy!» megajobasy bar.
«Vaý, Kazahstan!»
Jańa maýsymdaǵy taǵy bir jańalyq - elimizdiń eń kórikti jerlerin nasıhattaý maqsatynda tabıǵat qushaǵynda túsiriletin «Vaý, Kazahstan!» jobasy. Darhan dalamyzda áli kúnge deıin jumbaq bolyp kelegen tylsym tabıǵattyń bizge belgisiz tustary men áýlıe mekenderdiń tarıhy, kóneniń mekeni bolǵan, siz ben biz bile bermeıtin oryndar men jer asty meshitterdiń beımálim qyrlaryna saıahat jasalady.
Al arnanyń basty tiregine aınalǵan aqparattyq-saraptamalyq, áleýmettik, tanymdyq, oıyn-saýyq jáne tańǵy baǵdarlamalar ózgeshe formatta, jańa stýdııalarda shyǵa bastaıdy. Jańa maýsymda talǵamy bıik kórermenniń kóńilinen shyǵar tyń jobalar jeterlik.
