Senat orys tılı jönındegı halyqaralyq ūiym qūru şartyn ratifikasiialau turaly zaŋdy qabyldady, dep habarlaidy "Adyrna" ūlttyq portaly.
Atalǧan kelısımge 2023 jyly Bışkektegı TMD elderı basşylarynyŋ sammitınde qol qoiylǧan. Ūiymnyŋ negızgı maqsaty – orys tılın halyqaralyq deŋgeide ılgerıletu jäne memleketaralyq bailanys pen kommunikasiia qūraly retınde damytu. Būl ūiym ükımetaralyq sipatqa ie bolyp, halyqaralyq qūqyq subektısı retınde äreket etedı.
Zaŋ jobasy boiynşa baiandama jasaǧan senator Andrei Lukin būl ūiymnyŋ maŋyzdylyǧyn atap öttı. Onyŋ sözınen keiın Senat töraǧasy Mäulen Äşımbaev senatorlardan sūraqtar bar-joǧyn sūraǧanda, eşqandai sūraq qoiylmady.
Senator Älışer Satybaldiev:
"Orys tılı BŪŪ-nyŋ resmi tılderınıŋ bırı ärı Europa men TMD elderınde keŋınen qoldanylady. Būl tıl aimaqtyq jäne halyqaralyq mäselelerdı şeşude maŋyzdy röl atqarady", - dedı.
Ministr Saiasat Nūrbek bolsa:
"Ūiymnyŋ maqsaty – orys tılınıŋ qoldanylu aiasyn jahandyq deŋgeide keŋeitu", - dep pıkır bıldırdı.
Mäjılıs deputaty Ermūrat Bapi zaŋǧa bailanysty maŋyzdy qadam dep baǧalady.
"Qazaqstanda orys tılınıŋ bolaşaǧyna alaŋdaudyŋ qajetı joq. Būl joba Prezident Qasym-Jomart Toqaevtyŋ syrtqy saiasattaǧy maŋyzdy qadamy dep sanalady", - dedı.
Al ūiymdy qūru ideiasy 2022 jyly Qazaqstan Prezidentı Qasym-Jomart Toqaev orys tılın qoldau jäne damytu jönındegı halyqaralyq ūiym qūru ideiasyn ūsynǧan edı. Resei Prezidentı Vladimir Putin būl bastamany tolyq qoldaitynyn jetkızdı. Toqaev 2023 jyly Bışkektegı sammitte osy kelısımge qol qoiudy «tarihi şeşım» dep atady.
Qazaqstan būl ūiymdy qarjylandyruǧa 131 million teŋge böludı josparlap otyr. Ūiymnyŋ şeşımderı konsensus negızınde qabyldanatyn bolady.
Senatorlardyŋ qoldauymen zaŋ jobasy qabyldandy, būl qadam Qazaqstannyŋ syrtqy saiasattaǧy köpvektorly ūstanymynyŋ bır körınısı retınde baǧalanyp otyr.
Ūqsas jaŋalyqtar
