Senat orys tili jónindegi halyqaralyq uıym qurý shartyn ratıfıkaııalaý týraly zańdy qabyldady, dep habarlaıdy "Adyrna" ulttyq portaly.
Atalǵan kelisimge 2023 jyly Bishkektegi TMD elderi basshylarynyń sammıtinde qol qoıylǵan. Uıymnyń negizgi maqsaty – orys tilin halyqaralyq deńgeıde ilgeriletý jáne memleketaralyq baılanys pen kommýnıkaııa quraly retinde damytý. Bul uıym úkimetaralyq sıpatqa ıe bolyp, halyqaralyq quqyq sýbektisi retinde áreket etedi.
Zań jobasy boıynsha baıandama jasaǵan senator Andreı Lýkın bul uıymnyń mańyzdylyǵyn atap ótti. Onyń sózinen keıin Senat tóraǵasy Máýlen Áshimbaev senatorlardan suraqtar bar-joǵyn suraǵanda, eshqandaı suraq qoıylmady.
Senator Álisher Satybaldıev:
"Orys tili BUU-nyń resmı tilderiniń biri ári Eýropa men TMD elderinde keńinen qoldanylady. Bul til aımaqtyq jáne halyqaralyq máselelerdi sheshýde mańyzdy ról atqarady", - dedi.
Mınıstr Saıasat Nurbek bolsa:
"Uıymnyń maqsaty – orys tiliniń qoldanylý aıasyn jahandyq deńgeıde keńeıtý", - dep pikir bildirdi.
Májilis depýtaty Ermurat Bapı zańǵa baılanysty mańyzdy qadam dep baǵalady.
"Qazaqstanda orys tiliniń bolashaǵyna alańdaýdyń qajeti joq. Bul joba Prezıdent Qasym-Jomart Toqaevtyń syrtqy saıasattaǵy mańyzdy qadamy dep sanalady", - dedi.
Al uıymdy qurý ıdeıasy 2022 jyly Qazaqstan Prezıdenti Qasym-Jomart Toqaev orys tilin qoldaý jáne damytý jónindegi halyqaralyq uıym qurý ıdeıasyn usynǵan edi. Reseı Prezıdenti Vladımır Pýtın bul bastamany tolyq qoldaıtynyn jetkizdi. Toqaev 2023 jyly Bishkektegi sammıtte osy kelisimge qol qoıýdy «tarıhı sheshim» dep atady.
Qazaqstan bul uıymdy qarjylandyrýǵa 131 mıllıon teńge bólýdi josparlap otyr. Uıymnyń sheshimderi konsensýs negizinde qabyldanatyn bolady.
Senatorlardyń qoldaýymen zań jobasy qabyldandy, bul qadam Qazaqstannyń syrtqy saıasattaǵy kópvektorly ustanymynyń bir kórinisi retinde baǵalanyp otyr.
