Aqtaudaǧy ata-analar orys tılınde oqytatyn bastauyş synyptardyŋ aşylmauyna bailanysty alaŋdauşylyq bıldırude, dep habarlaidy “Adyrna” ūlttyq portaly Lada.kz-ke sıltep.
Bala bılımı üşın dabyl qaqqan ata-analar qalalyq bılım bölımı №31 mektepte orys tılınde oqytatyn bastauyş synyptar aşylady dep uäde bergenın aitady. Alaida mūndai synyptar älı aşylmaǧan.
Jaŋa mekteptıŋ qūrylysy kezınde onyŋ qazaq jäne orys tılderınde oqytylatyny turaly aqparat bılım bölımı men oqu ornynyŋ Instagram paraqşasynda jariialanǧan. Aqtaudaǧy 17, 19 jäne 33 yqşamaudandardaǧy jaŋa mektepterge oquǧa tüsu üşın qūjattardy qabyldau 6 qaŋtarda bastalǧan.
Ötken aptada ata-analar bılım bölımı orys tılınde oqytatyn synyptardy aşamyz dep uäde bergenın aitty. Orys bölımı bolady dep kütken 200 bastauyş synyp oquşysynyŋ ata-anasy mektepke qūjat tapsyrmaq bolǧanda, mektep qūjattardy qabyldamaǧan. Mektepte qabyldauǧa qatysty barlyq sūraqtar qalalyq bılım basqarmasynda qaralyp jatqany turaly habarlama ılıngen.
“Būl bızdıŋ balalarymyzdyŋ qūqyqtarynyŋ būzyluy. Olardyŋ qazaqşa oqityndardan qandai aiyrmaşylyǧy bar? Olardyŋ da osy şaǧyn audanda tūruǧa tolyq qūqyǧy bar. Orys tılınde oqytatyn 1-7 synyptar arasynda eŋ bolmaǧanda bır synyptan ūiymdastyrsyn”, - deidı ata-analar.Qalalyq bılım basqarmasy arnaiy komissiia qūryp, orys tılınde oqytatyn synyptardy aşpau turaly şeşım şyǧarǧany anyqtaldy. Bırınşıden, mūnda kadr tapşylyǧy bar. Ekınşıden, mektepte oryn jetkılıksızdıgı sebep bolǧan. Mekteptıŋ syiymdylyǧy 900 oryndyq qana, al balalardy memlekettık tılde oquǧa qabyldauǧa 1500 ötınış tüsken. Osyǧan bailanysty şeneunıkter ata-analarǧa kömek körsete almaityndaryn jetkızdı. Ata-analar qūqyqtaryn sotta qorǧauǧa daiyn ekenderın bıldırıp, bılım basqarmasynyŋ basşylyǧyna jügınudı josparlap otyr.
Ūqsas jaŋalyqtar
