Sifrlyq damu, innovasiialar jäne aeroǧaryş önerkäsıbı ministrı Jaslan Mädiev ūialy bailanys operatorlary bailanysa köŋılı tolmaityndarǧa jauap berdı, dep habarlaidy "Adyrna" ūlttyq portaly.
Ministr ükımet erkın naryqta ūialy bailanys operatorlarymen tarif baǧasyn rettei almaitynyn aitty. Būǧan käsıpkerlık kodekspen tyiym salynǧan. Onyŋ üstıne ūialy bailanys operatorlary kommunikasiiany jaqsartuǧa qyruar qarjy saluǧa uäde berdı. Sondyqtan memleket olarǧa tarifterdı köteruge tyiym sala almaidy deidı.
"Mūndai tyiym salu mümkın emes. Äitpese olar qalai investisiia salady? Olar bazalyq stansiialar men antennalyq dıŋgek qūrylymdaryna köp investisiia salady. Beeline-men olar aldaǧy bes jylda milliard dollar investisiialaidy degen kelısımge qol qoidyq. Mümkın sız köp trafiktı paidalanyp jatqan şyǧarsyz? Wi-Fi bar jerde Wi-Fi jelısıne qosyludy ūsynamyn. Men de solai ısteimın", – dedı ministr.Sondai-aq, ministr Mädiev qazaqstandyqtardy joǧary sapaly internetpen qamtamasyz etuge uäde berdı.
"Talap etıp otyrǧanyŋyz öte dūrys. Bız de ükımet retınde talapty küşeitıp jatyrmyz. Tıptı, qazır sekundyna megabit sany boiynşa eŋ tömengı deŋgeidı köterıp jatqanymyzdy būǧan deiın de aittym", – dedı ol.
Ūqsas jaŋalyqtar
