Astanada jürgızuşısız taksi jobasyn ıske qosu turaly memorandumǧa qol qoiyldy. Būl turaly Jasandy intellekt jäne sifrlyq damu ministrlıgı aitty, dep habarlaidy «Adyrna» tılşısı.
«Jasandy intellekt jäne sifrlyq damu ministrlıgı, Kölık ministrlıgı, Astana qalasynyŋ äkımdıgı jäne inDrive kompaniiasy 2026 jyly Astanada jürgızuşısız taksi boiynşa pilottyq jobany ıske qosu turaly memorandumǧa qol qoidy. Elorda 2026 jyly inDrive kompaniiasy ūsynǧan jürgızuşısız taksi jobasy ıske qosylatyn Qazaqstandaǧy alǧaşqy qalalardyŋ qataryna enedı. Şahar qalalyq mobildılıktıŋ jaŋa formatyna köşuge daiyndalyp, avtonomdy kölıktı «qauıpsızdıktı arttyru, jailylyq pen qalalyq ortanyŋ sapasyn jaqsartu qūraly» retınde qarastyryp otyr»,- delıngen habarlamada.
Özdıgınen jüretın avtokölıkterdı engızu jobasy «aqyldy qala» strategiiasy men sifrlyq infraqūrylymdy damytu aiasynda jüzege asyrylmaq. Alǧaşqy kezeŋı testıleuden ötkızudı, zaŋnamalyq tūrǧyda retteudı jäne infraqūrylymyn daiyndaudy qamtamasyz etudı qarastyrady.
«Jürgızuşısız taksi boiynşa pilottyq jobany ıske qosu - aqyldy ärı qauıpsız qalalyq mobildılıktı damytudaǧy maŋyzdy qadam. Avtonomdy kölıktı engızu kezeŋ-kezeŋmen, azamattardyŋ qauıpsızdıgın basymdyqqa ala otyryp ıske asyrylady. Sondai-aq infraqūrylymnyŋ daiyn boluyn qamtamasyz etu bız üşın maŋyzdy. Astana - jaŋa tehnologiia engızıler aldynda naqty synaqtan ötkızıletın alaŋǧa ainaluda. Mūndai täsıl innovasiialardy qoldauǧa jäne qoǧamnyŋ jaŋa sifrlyq şeşımderge degen senımın qamtamasyz etuge mümkındık beredı», - dedı Premer-ministrdıŋ orynbasary - Jasandy intellekt jäne sifrlyq damu ministrı Jasūlan Mädiev.
