Ministr ündeu jasady. Sifrlyq damu, innovasiialar jäne aeroǧaryş önerkäsıbı ministrı Baǧdat Musin qazaqstandyqtardy mobildı internettı ünemdep paidalanuǧa şaqyrdy. Mobildı internet qoldanudyŋ mädenietın meŋgeruge ündedı, dep habarlaidy "Adyrna" ūlttyq portaly.
Ministr ükımet otyrysynan keiın tılşılerge bergen sūhbatynda:
«Qazaqstandyqtar (aiyna – red.) 15-20 Gbait aqparat tūtynyp üirenıp qalǧany tüsınıktı. Bıraq ünemdeiıkşı, mobildı internet degen qymbat ekenın tüsıneiıkşı. Üige kelgende Wi-Fi-ǧa qosylu kerek. Qandai da bır mädeniet boluy tiıs», - dedı.Sonymen qatar internet sapasy naşarlaǧan jaǧdaida bailanys operatorlarynyŋ halyqty qūlaqtandyruy tiıs ekendıgın aitty. Endı mūndai äreketke barlyq bailanys operatorlarynyŋ mındetteletını aityldy. Sondai-aq ministr elımızde eŋ tömengı mobildı internet tarifı 2700 teŋge tūrady degen mälımet keltırdı. Esterıŋızge sala keteiık, būǧan deiın B.Musin Astana qalasy internet jyldamdyǧy boiynşa Tokiony basyp ozǧanyn habarlaǧan edı.
"Adyrna" ūlttyq portaly
Ūqsas jaŋalyqtar
Sifrlyq damu
Baǧdat Musin
astana qalasy
internet sapasy
innovasiialar jäne aeroǧaryş önerkäsıbı ministrı
