Qylmystyq-atqaru jüiesı komitetı sottalǧan eks-ministr Quandyq Bişımbaevtyŋ qai koloniiada jazasyn ötep jatqanyn ataǧan joq, dep habarlaidy "Adyrna" ūlttyq portaly Tengrinews.kz tılşısıne sıltep.
Būǧan deiın sottalǧan ministrdıŋ advokaty Erlan Ǧazymjanov Bişımbaevtyŋ Stepnogorsk qalasyndaǧy maksimaldy qauıpsızdık mekemesınde otyrǧanyn aitqan. Sol uaqytta BAQ-ta Quandyq Bişımbaevtyŋ Stepnogorsk qalasyndaǧy №5 mekemede jazasyn ötep jatqany turaly beiremi aqparat tarady. Komitet būl aqparatty ışınara rastaǧan. Alaida naqty koloniiany atamady.
"Sūrauda körsetılgen sottalǧan azamat sot belgılegen jazasyn qylmystyq-atqaru jüiesınıŋ maksimaldy qauıpsızdık mekemesınde ötep jatyr. Jazasyn öteu orny turaly onyŋ jaqyn tuystary qoldanystaǧy zaŋnamaǧa (Qylmystyq-atqaru kodeksınıŋ 25-babyna) säikes habarlandyryldy", — dep jauap berdı komitet.Esterıŋızge sala keteiık, Qylmystyq-atqaru kodeksınıŋ 25-babyna säikes, mekeme nemese jazany oryndaityn organ sottalǧan azamattyŋ kelıp tüskenın onyŋ jūbaiy, tuysy nemese zaŋdy ökılıne ekı jūmys künı ışınde habarlauǧa mındettı. Komitette Quandyq Bişımbaevtyŋ koloniiada jūmys ıstemeitının de mälımdedı.
"Mekemedegı kün tärtıbı barlyq tūtqyndar üşın bırdei. Jūmys oryndarynyŋ bolmauyna bailanysty ol eŋbekke ornalastyrylmaǧan", — dep habarlady komitet.Aita keteiık, eks-ministr 24 jylǧa sottalǧan bolatyn. Alaida Quandyq Bişımbaevtyŋ advokaty sot ükımıne şaǧymdanatynyn aitty.
Ūqsas jaŋalyqtar
