Ýaǵyzdyń da ýaǵyzy bar!

3289
Adyrna.kz Telegram

" Dúmshe molla el buzar"- degendi qazaq baıaǵyda aıtqan. Sol dúmsheler áli bar eken.  Tipti kóp pe deımin. Óıtkeni áleýmettik jelilerde meshitte, medresede ýaǵyz aıtyp jatqan molla- ımamdardyń vıdeolaryn jıi kórip qalamyz. Kóbi QMDB - ynyń sarabynan ótkender. Iaǵnı dinı basqarmanyń ókilderi.

Al endi osylar jamaǵatqa ne aıtyp júr degenge keler bolsaq. Aıtylyp júrgen daǵýattarynyń kóbisi tek ólimge, qabyr azabyna, ondaǵy perishtelerdiń suraǵyna, tozaqtyń qorqynyshty sýretine, kúnálardyń túrlerine, o dúneıeniń azabyna qatysty bolyp keledi.

Osynda bir jas ımam jamaǵatqa " ólgende seniń bul dúnıedegi abyroı- ataǵyń, alǵan marapatyń, oqyǵan bilimiń túkke keregi joq" dep kesip aıtty. Jaraıdy. Onysyna keliselik. Ólgesin bir boqsyń. Ol " danyshpannyń" negizgi aıtpaǵy mynaý boldy: " oqý- bilim izdeme, bakalavr- magıstratýrada oqyma, ǵylymmen aınalyspa, Qudaıǵa onyń túkke keregi joq, qabirdegi úsh suraqqa daıyn bolsań boldy. Osymen tamam". Bul ımamsymaq tas qarańǵy nadan eken. Óz nadandyǵymen ózge jurtty nadandyqqa shaqyryp otyr. Áýeli osy sózimen ıslamnyń ózine qaıshy kelip otyr.

" Qytaıdan bolsa da ilim- ǵylym izde", " O dúnıede meniń qatarymda oqyǵandar turady"- degen Hadıster bar emes pe edi? Islam bilimdi, ǵylymdy joqqa shyǵarmaǵan. Qysqasy álgi mollanyń aıtýynsha qabirdege úsh suraqqa ǵana daıyn bolsań boldy eken. Osyndaılarǵa ılanatyn, senetin, bas shulǵıtyn qazaq barshylyq. Ózi nadan ózgeni de nadan dep oılaıdy- aý. Dinı saýaty az, dúnıege kózqarasy tolyq qalyptaspaǵan jastardy nadandyqqa, óresizdikke, bilimsizdikke, úreıli psıhıkaǵa, qorqynyshty bolmysqa qaraı tartyp jatyr.

Sırııaǵa "jumaq" izdep ketkenderdiń kóbi saýatsyzdar ekeni belgili. Rasynda qazir din, onyń aınalasyndaǵylar týraly birdeńe aıtý qaýipti bolyp ketti. Aýzyńdy ashyrmaıdy. Óre túregeledi. Seni neshe saqqa júgirtedi. Másele dinde emes, másele shala saýatty dúmshelerde bolyp tur. QMDB osyndaı ýaǵyzshylardy nege baıqamaıdy? Álde olardyń da deńgeıi osyndaı ma? Ýaǵyzdyń da ýaǵyzy bar. Islamnyń ahlaq ilim týraly aıtylsa sóz basqa ǵoı. Osyndaı mollalarǵa, dinı dogmalyq ekspanııaǵa tyıym kerek! " Jaqsynyń aty, ǵalymnyń haty ólmeıdi'- degen qazaqtyń ataly sózi qaıda qaldy?

Erbolat BAIaTULY

"Adyrna" ulttyq portaly

Pikirler