Ispanııanyń ońtústigindegi orman órtenip Benahavıs qalasynan 2 myń adam evakýaııalandy. Bul týraly Reuters agenttigi jarııalady, dep habarlaıdy “Adyrna” ulttyq portaly.
Basylym málimetinshe, órt Kosta-del-Sol ústindegi Serra-Bermejadaǵy Pýjerra taýynyń baýraıynda bastalǵan. Andalýsııa orman órtterin baqylaý departamentiniń (INFOCA) Twitter jelisinde buǵan ystyq aýa raıy men qolaısyz jel sebep bolǵany jazyldy.
Bılik turǵyndardy keshke evakýaııalaýǵa kiristi, adamdar Malaga provınııasynyń bes aýdanynan shyǵaryldy. Sonymen qatar, tótenshe jaǵdaılar qyzmeti 7 myń adam turatyn shatyrlar tikken, biraq evakýaııalanǵandardyń kópshiligi týystary men jergilikti qonaqúılerge ornalastyryldy.
Sonymen qatar, oqıǵa ornynda 200-den asa órt sóndirýshi jumys istep jatyr. Sondaı-aq, Kosta-del-Sol aımaǵyndaǵy basqa qalalardan 100 áskerı qyzmetker men 50 órt sóndirýshi jumyldyryldy. Jalynmen kúresý barysynda úsh órt sóndirýshi zardap shekti, olardyń biri aýyr kúıikpen Malaga aýrýhanasyna jetkizilgen.
“Adyrna” ulttyq portaly
