Су тасқынынан зардап шеккен аймаққа барған Испания королі Филипп VI мен оның әйелі Летицияға валенсиялықтар шабуыл жасады, деп хабарлайды «Адырна» тілшісі.
Король бұл аймаққа жойқын су тасқынынан зардап шеккендерді қолдау үшін келген болатын. Алайда тұрғындар оны «қанішер» деп атап, өз наразылықтарын білдірді. Айтуларынша, төтенше жағдай кезінде билік дер кезінде әрекет етпей, баяу қимылдаған. Көпшіліктің пікірін тыңдаған Филипп VI елді сабырға шақырып, ары қарай көшелерді аралап шықты.
Қазан айының соңында Испанияның шығысында қатты жаңбыр жауып, Валенсия провинциясында су тасқыны болған еді. Соңғы мәліметтер бойынша, төтенше жағдай салдарынан 200-ден астам адам қаза тапқан.
Айта кетейік, бұл апат — Испанияда соңғы 1973 жылдан бергі болып тұрған ең ауыр су тасқыны.
