Búgin Pekın ýaqytymen saǵat 11:00 shamasynda Qytaıdyń Shyńjań-Uıǵyr avtonomdy aýdanyndaǵy Ýsý qalasynan Almatyǵa alǵashqy júk poıyzy attandy. Bul poıyz Qytaı-Eýropa halyqaralyq temirjol júk tasymaldary aıasynda júretin alǵashqy reıs, dep habarlaıdy "Adyrna" ulttyq portaly RUSSIAN.NEWS.CN-ge silteme jasap.
45 konteınerge avtokólik bólshekteri tıelgen poıyz «Alashankoý» ótkizý beketi arqyly memlekettik shekarany kesip ótip, Almaty qalasyna keledi.
Úrimshi qalasynan shamamen 260 km qashyqtyqta ornalasqanÝsý qalasy 2024 jyldyń qyrkúıeginde Qytaı-Eýropa turaqty halyqaralyq júk tasymaly baǵytynyń Shyńjańdaǵy júk jóneltý pýnktine resmı túrde qosyldy.
2024 jyldyń qyrkúıek aıynda Sınzıanda halyqaralyq Qytaı-Eýropa júk tasymaldary turaqty marshrýttarynyń alǵashqy beketteriniń qataryna resmı túrde qosyldy. Bul qala taýarlardy jınaqtaý jáne taratý áleýetin ashý maqsatynda tańdalyp alyndy.
Derekterge súıensek, osy aıda Ýsý stanııasynan tórt júk poıyzy shyǵady. Olar Alashankoý jáne Horgos temirjol ótkizý pýnktteri arqyly ótip, Eýropa men Ortalyq Azııa naryqtaryna taýarlar eksporttaýǵa arnalǵan.
Bul poıyzdar Ýsý men oǵan jaqyn aımaqtarda óndirilgen aýyl sharýashylyǵy jáne ónerkásip taýarlaryn tasymaldaý úshin tıimdi jáne yńǵaıly halyqaralyq logıstıkalyq arnany qamtamasyz etedi. Sonymen qatar, olar Shyńjań men búkil Qytaı naryǵyna Eýropa, Ortalyq Azııa jáne basqa aımaqtardan joǵary sapaly ónimder jetkizýge kómektesedi. Budan bólek, Ýsý stanııasynan bastalatyn jańa Qytaı-Eýropa júk tasymaldaý marshrýtynyń iske qosylýy aımaqtyq ónerkásiptiń modernızaııasyna, jergilikti óndiristerdiń qurylymyn ońtaılandyrýǵa jáne Shyńjańnyń soltústik bóligindegi ishki aýdandardyń ekonomıkalyq damýyna jańa serpin beredi.
