Abaı oblysynyń ákimi Nurlan Uranhaev óńirdiń áleýmettik-ekonomıkalyq damýyna baılanysty Ortalyq kommýnıkaııalar alańynda esep berdi, dep habarlaıdy «Adyrna» tilshisi.
Jýrnalısterdiń biri ákimge «Ýaqyt beldeýiniń aýysýyna baılanysty ózińiz basqaratyn oblysta saǵat keshki 5-6 qarańǵy bolyp qalady. Bul jaǵdaıǵa memlekettik mekemede jumys isteıtin jáne mektepte ekinshi aýysymda oqıtyn oqýshylar qınalyp jatqanyn aıtady. Osy másele ońynan sheshilý úshin óńirde bir tosyn jaǵdaı bolý kerek pe? Bir oqýshyǵa qastandyq jasalǵany sekildi problema bolý kerek pe degen suraq týady...» dep suraq qoıdy.
Oblys ákimi ýaqyt beldeýiniń aýysýyna jaýapty organ Saýda mınıstrligi ekenin eskertti.
«Solarǵa júginip, solardan suraý kerek. Qazir men sizge jaýap bere almaımyn. Ol bir. Ekinshiden, bir jyl eń kem degende kútý kerek. Sheshim qabyldandy, ony biz ár úsh aı saıyn aýystyrmaımyz ǵoı. Bir jyldan keıin bári túsinikti bolady. Sol kezde durys pa, joq pa degendi kóremiz. Eń kem degende bir jyl kútý kerek», – dedi ol.
Jýrnalıstiń «Ózińizge osy ýaqyt beldeýi yńǵaıly ma?» degen suraǵyna «Eger men ózimniń jeke basymdy aıtsam eshqandaı yńǵaısyzdyqty sezbeımin» dep qysqa jaýap berdi.
