FlyArystan áýe kompanııasynyń ushaǵy Aqtaýǵa eki ret qona almady, dep habarlaıdy «Adyrna» ulttyq portaly.
«KS7277 reısi Atyraý – Aqtaý baǵytynda 2 qarasha kúni saǵat 06.40-ta ushyp shyǵýy tıis bolatyn. Alaıda, áýe kompanııasy Aqtaý qalasyndaǵy aýa raıynyń qolaısyzdyǵyna baılanysty reısti keıinge qaldyrýǵa májbúr boldy», - dep málimdedi FlyArystan baspasóz qyzmeti.
2 qarasha kúni saǵat 21.50-de ushaq qoıý tuman saldarynan Aqtaýǵa qona almaı, keri qaıtqan. Kelesi kúni tańǵy saǵat 7-de ushaq qaıtadan qona almady.
Reıstiń qaıtadan ushý ýaqyty 3 qarasha 17:30-ǵa josparlanǵan.
Jergilikti «Aq Jaıyq» basylymynyń habarlaýynsha, jolaýshylar ushaq kútý kezinde ystyq tamaq pen basqa da qolaıly jaǵdaılardyń joqtyǵyna narazy bolǵan.
«Kidiris kezinde jolaýshylarǵa sý jáne ystyq tamaq, sondaı-aq ótinish boıynsha qonaqúıde turý jáne turǵyn úı qunyn óteýge kepildik hattar berildi», - dep jaýap berdi FlyArystan qyzmeti.
