Elımızde qan donorlary üşın alǧaş ret resmi türde «Qūrmettı donor» marapaty taǧaiyndaldy. Būl turaly bügın, 13 şıldede Densaulyq saqtau ministrlıgı aitty, dep habarlaidy «Adyrna» tılşısı.
Qūrmet belgısınıŋ alǧaşqy iegerlerı bekıtılgen talaptarǧa tolyq säikes keletın 481 tūraqty donor bolady.
Ükımetı qabyldaǧan qaulyǧa säikes vedomstvolyq tösbelgı Qazaqstan Respublikasynyŋ azamattaryna, sondai-aq şeteldıkter men azamattyǧy joq adamdarǧa öteusız negızde donorlyq jasaǧany üşın berıledı. Atap aitqanda, qan jäne (nemese) trombosit donorlyǧy – kemınde 40 ret, qan plazmasynyŋ donorlyǧy – kemınde 70 ret boluy tiıs.
«Būl şeşım arqyly Ükımet adam ömırın qūtqaru jolynda tūraqty ärı öteusız donorlyq jasap jürgen qazaqstandyqtardyŋ eŋbegıne tarihi ädıldık ornatty. Endı olardyŋ igı ısı erekşe märtebemen aiqyndalyp, joǧary baǧalanyp otyr»,- delıngen habarlamada.
Aita keteiık, jyl saiyn Qazaqstanda 180 myŋnan astam azamat donor atanyp, 255 myŋnan astam donorlyq räsım jasaidy.
