Memleket basşysy Qasym-Jomart Toqaev Premer-ministr Oljas Bektenovtıŋ biylǧy qaŋtar–mausym ailaryndaǧy äleumettık-ekonomikalyq damu qorytyndylary jäne ekonomikany odan ärı ärtaraptandyru josparlary turaly esebın tyŋdady. Būl turaly Aqorda jazdy, dep habarlaidy "Adyrna".
«Premer-ministrdıŋ mälımetınşe, jartyjyldyq qorytyndysy boiynşa jalpy ışkı önımnıŋ (JIÖ) ösımı 4,1%-dy qūrady. Ekonomika qūrylymyndaǧy öŋdeu önerkäsıbınıŋ ülesı 9,8%-ǧa, kölık salasy – 7,1%-ǧa, qūrylys – 15,2%-ǧa östı. Sondai-aq saudada – 5,7%, auyl şaruaşylyǧynda – 4,4%, bailanys qyzmetterınde – 4,3% ösım tırkeldı. Negızgı kapitalǧa salynǧan investisiialar kölemı 9,5 trln teŋgege jettı, onyŋ ışınde jeke investisiialar aǧyny 21,4%-ǧa artty», – delıngen Aqordanyŋ düisenbı küngı habarlamasynda.
Oljas Bektenov ūlttyq ekonomika qūrylymyn nyǧaitu baǧytyndaǧy jūmystar turaly baiandady.
«Biyl öŋdeu önerkäsıbınde jalpy qūny 1,7 trln teŋge bolatyn 200 investisiialyq joba ıske qosylyp, 17 myŋ tūraqty jūmys orny aşylady», – dedı Premer-ministr.
Sondai-aq Ükımet basşysy ırı avtojol jobalarynyŋ jüzege asyryluy, Astana qalasynda ekınşı äuejai men Tarlan Astana jobasynyŋ ekınşı kezeŋın salu josparlary turaly aqparat berdı.
«Qūrylys salasynda paidalanuǧa berıletın tūrǧyn üi kölemı 20 mln şarşy metrge jetkızıledı. Auyl şaruaşylyǧynda öndırıs kölemı 15 trln teŋgenı qūrady, egıs alqaby 23,8 mln gektarǧa deiın ūlǧaidy. Agrarlyq sektordy qoldauǧa 1 trln teŋge bölındı. Būl rette biudjetten bölıngen ärbır 1 teŋgege 6,5 teŋge jeke investisiia tartyldy», – dedı Oljas Bektenov.
Memleket basşysyna halyq tabysyn arttyru jönındegı keşendı jospardyŋ jüzege asyryluy jäne infliasiia deŋgeiın tömendetu boiynşa qabyldanyp jatqan şaralar turaly baiandaldy. Mausym aiynda jyldyq infliasiia deŋgeiı 10,3%-dy qūrady.
Prezidentke äleumettık jäne köşı-qon saiasatyn jetıldırudıŋ qazırgı nätijelerı, sondai-aq jūmyspen qamtudy yntalandyru arqyly äleumettık qoldau tetıkterınıŋ tiımdılıgın arttyru jönındegı täsılder tanystyryldy. Tiımsız äleumettık tölemderdı oŋtailandyru nätijesınde jyl saiyn 800 mlrd teŋgeden astam qarajat ünemdelmek.
Kezdesu barysynda aldaǧy jylytu mausymyna daiyndyq mäselesıne erekşe nazar audaryldy.
«Ötken jylytu mausymynyŋ qorytyndysy boiynşa bes jylu elektr ortalyǧy (JEO) täuekeldıŋ «qyzyl» aimaǧynan şyǧaryldy, taǧy üş JEO «jasyl» aimaqqa köşırıldı. Biyl toǧyz energoblok, 55 qazandyq jäne 51 turbina qaita jaŋǧyrtylyp jatyr. Būl maqsatqa 384 mlrd teŋge bölındı. «Energetika jäne kommunaldyq sektorlardy jaŋǧyrtu» ūlttyq jobasy aiasynda jyl soŋyna deiın 12 myŋ şaqyrym injenerlık jelı jöndeledı», – delıngen habarlamada.
Sonymen qatar Oljas Bektenov Prezident tapsyrmalarynyŋ oryndaluy, sifrlandyru jäne ūlttyq jasandy intellekt infraqūrylymyn damytu jönınde baiandady.
«Älemdık IT köşbasşylarymen bırlesıp quattylyǧy 250 MVt bolatyn infraqūrylym jasaqtaluda. Tartylǧan şeteldık investisiia kölemı 10 mlrd AQŞ dollarynan asty», – dedı Ükımet basşysy.
Prezidentke turizm infraqūrylymyn jaŋǧyrtu jūmystary turaly da aqparat berıldı.
«Almaty tau klasterın damytu turizm salasynyŋ JIÖ-degı ülesın arttyrady. Almaty SuperSki jobasy belsendı qūrylys kezeŋınde. Ūzyndyǧy 60 şaqyrym bolatyn jaŋa şaŋǧy trassalary täulıgıne 10 myŋ adamǧa deiın qabyldauǧa mümkındık beredı. Nysandy 2028 jyldyŋ jeltoqsanynda ıske qosu josparlanǧan. Sonymen qatar «Bolaşaq oiyndary – 2026» halyqaralyq jarysyn ötkızuge daiyndyq aiaqtaluǧa jaqyn», – delıngen habarlamada.
Sondai-aq Memleket basşysyna Jaŋa Konstitusiiany ıske asyru boiynşa qabyldanyp jatqan şaralar turaly baiandaldy.
«Zaŋnamany Negızgı zaŋǧa säikestendıru, «Ädılettı Qazaqstan» jäne «Zaŋ men tärtıp» qaǧidattaryn nyǧaitu, äleumettık saiasatty jetıldıru, Alataudy jedel damityn qala retınde damytuǧa qūqyqtyq negız qalyptastyru, sondai-aq «Taza Qazaqstan» bastamasyn ılgerıletu baǧytynda jūmystar jürgızılıp jatyr», – dep habarlady Aqorda.
Kezdesu qorytyndysy boiynşa Qasym-Jomart Toqaev eldıŋ tūraqty ärı qarqyndy damuyn qamtamasyz etu jönındegı jüielı jūmysty jalǧastyrudy tapsyrdy.
Ükımetke äleumettık jäne infraqūrylymdyq nysandardy auqymdy kölemde salu baǧdarlamasyn ıske asyrudy bastau jükteldı. Būl baǧdarlama aldaǧy uaqytta elımızdıŋ barlyq öŋırınde azamattardyŋ ömır süru sapasyn aitarlyqtai jaqsartuǧa baǧyttalǧan. Äsırese, zamanaui densaulyq saqtau nysandaryn saluǧa basymdyq berıledı.
