Bügın, 13 şıldede Äzerbaijan prezidentı İlham Äliev Türkiia men Äzerbaijannyŋ bır-bırıne eŋ jaqyn memleketter ekenın aitty, dep habarlaidy «Adyrna» tılşısı APA-ǧa sılteme jasap.
«Saiasi, ekonomikalyq, energetikalyq jäne kölık bailanystarynyŋ deŋgeiıne, sondai-aq halyqtar arasyndaǧy qarym-qatynasqa nazar audarsaq, älemde Türkiia men Äzerbaijandai bır-bırıne sonşalyq jaqyn, özara qoldau körsetetın ärı dostyq bailanysy berık ekı eldı tabu qiyn şyǧar», – dedı memleket basşysy IV Şuşa jahandyq mediaforumynyŋ aşyluynda.
Prezident ekı el arasyndaǧy qarym-qatynas äzerbaijan jäne türık halyqtary üşın baǧa jetpes qūndylyq ekenın atap öttı.
«Bız bırge küştırekpız», – dedı İlham Äliev.
Memleket basşysynyŋ aituynşa, Äzerbaijan men Türkiia odaǧy öŋırlık tūraqtylyqty qamtamasyz etude, yntymaqtastyqty damytuda, kölık bailanystaryn nyǧaituda jäne qauıpsızdıktı saqtauda maŋyzdy röl atqarady.
Prezident bes jyl būryn Şuşa qalasynda Türkiia Prezidentımen bırge Şuşa deklarasiiasyna qol qoiylǧanyn eske saldy. Būl qūjat ekı el arasyndaǧy qarym-qatynasty odaqtastyq deŋgeige kötergen.
«Bız tek bauyrlas ärı dos halyqtar ǧana emes, sonymen qatar odaqtastarmyz», – dep tüiındedı İlham Äliev.
