Almatyda Qazaqstan Jurnalister odaǧynyŋ (QJO) esep beru sezı öttı, dep habarlaidy “Adyrna” ūlttyq portaly QazTAG agenttıgıne sıltep.
«Sezd mındetı - QJO filialdary basşylarynyŋ esepterın tyŋdau ǧana emes, sonymen qatar Odaq aldynda tūrǧan mäseleler men mındetterdı talqylau, sondai-aq belgılı bır problemalardy şeşude oŋ täjıribe almasu», - dedı atqaruşy direktor Nūrtas Köşerov Qazaqstan Jurnalister odaǧynyŋ qūryltaiyn aşqanda.
Filial basşylary atap ötkendei, QJO arqasynda Qazaqstannyŋ ärtürlı öŋırlerındegı jurnalister özderınıŋ müddelerın qorǧaityn bırtūtas ūiymnyŋ bır bölıgı retınde sezınıp qana qoimaidy, sonymen qatar öte naqty mäselelerdı, sonyŋ ışınde, mysaly, tūrǧyn üi mäselelerın şeşedı.
Osylaişa, odaqtyŋ aimaqtyq bölımşelerınıŋ ökılderı jurnalister QJO qoldauynyŋ arqasynda qyzmettık baspanaǧa qol jetkızıp, basqa da mäselelerın şeşkenderın aitty.
Būl rette sezde şeşımın talap etetın özektı mäseleler köterıldı. Onyŋ ışınde jurnalister qūqyǧynyŋ būzyluy jaǧdaiy – Odaq basqalarmen qatar qūqyq qorǧau qyzmetın jüzege asyryp, osy baǧyttaǧy jūmysyn küşeitıp, jandandyra tüsedı.
Anyqtalǧan taǧy bır mäsele – aimaqtyq BAQ-ta kadr tapşylyǧy. Osylaişa, öŋırlerden elımızdıŋ ırı qalalary – Astana men Almatyǧa käsıbi mamandardyŋ ketuı baiqalady, olarda bäsekege qabılettı jalaqylar ūsynylady. Sonyŋ saldarynan aimaqtyq BAQ-ta kontent sapasy tömendep barady. Nätijesınde būl jergılıktı basylymdardyŋ tanymaldylyǧy men taralymynyŋ tömendeuınen körınedı.
Öŋırdıŋ erekşelıkterın eskere otyryp, jergılıktı halyqty maŋyzdy oqiǧalar turaly habardar etuge mındettı aimaqtyq basylymdar ekenın eskersek, halyqtyŋ aqparatqa, onyŋ ışınde memlekettık aqparatqa qoljetımdılık deŋgeiı de tömendep keledı.
Al būl QJO esep beru sezınde köterılgen mäselelerdıŋ bır parasy ǧana.
«Sezde köterılgen mäselelerdıŋ barlyǧy bır jüiege keltırılıp, olardy şeşu joldaryn bırlesıp qarastyramyz», - dedı jiyn barysynda odaqtyŋ jauapty hatşysy Baian Ramazanova.
Aita keteiık, bır kün būryn, 31 qazanda Qazaqstan Jurnalister odaǧy basqarmasynyŋ töraǧasy Seitqazy Mataevty jiynda mereitoiymen Almaty äkımdıgınıŋ ökılderı qūttyqtap, QR Prezidentınıŋ ışkı saiasat jäne kommunikasiialar jönındegı kömekşısı Ruslan Jeldıbaidyŋ QJO basşysyna joldaǧan qūttyqtauyn oqyp berdı.
Is-şaraǧa qatysqan «Habar» agenttıgı» AQ Basqarma töraǧasy Kemelbek Oişybaev Mataevqa QJO basşysynyŋ özıne de, eldegı basqa jurnalisterge de körsetken jäne körsetıp jatqan qoldauy üşın alǧysyn bıldırdı. Sezd jūmysyna qatysqan QR Parlamentı Mäjılısınıŋ deputaty Ermūrat Bapi Mataevtyŋ Qazaqstan Jurnalister odaǧynyŋ ūiym retınde saqtaluyna jäne QazTAG aqparattyq agenttıgınıŋ qaita qūryluyna qosqan ülesın atap öttı.
Sondai-aq sezde Qazaqstan Jurnalister odaǧynyŋ köşpelı sezderın jüielı türde ötkızu mäselesı qaraldy.
