Tık-toktyń qojaıyny Qytaıdaǵy eń baı adam atanypty. Chjan Imınniń dáýleti 50 mlrd dollarǵa jetken. Onyń shirigen baı bolýyna bizdiń qazaqtar da bir kisideı atsalysýda.
Óıtkeni Murat Ábilda men Sampo, Mapoh pen Jápók degenderdiń tikeleı efırdegi batlyna bizdiń bassyzdar arystan, arǵymaq sııaqty qyp-qyzyl aqsha turatyn stıkerler syılaıdy. Al, túsken aqshanyń 40 paıyzyn tık-tok ustap qalady eken.
Demek qazaqtyń aqshasy Qytaı asyp jatyr degen sóz. Al, Iandeks arqyly Reseıge de biraz qarjymyz ketýde. Buryn Brazılııadan qant, Aýstralııadan qoı etin alyp, aqshamyz syrtqa aǵylyp jatyr dep aǵyl-tegil bolýshy edik. Endi basy isteıtin jurttar bar baılyǵymyzdy smartfon arqyly sorýda.
Óner-bilim bar jurttar,
Tastan saraı salǵyzdy.
Aıshylyq alys jerlerden
Jyldam habar alǵyzdy-dep Ybyraı Altynsarın atamyz bilip aıtqan eken ǵoı. Biz Ekaterına II men Vanga ájeıge tańqalyp júrsek…
Dıas Nuraqyn
Facebook paraqshasynan
