Atalǧan qoldau - oblys äkımdıgı men kompaniia arasyndaǧy memorandum aiasynda jasalmaq. Maŋyzdy qūjat öŋırdegı äleumettık infraqūrylymdy damytuǧa baǧyttalǧan. Osylaişa, Qarajal qalasynda käsıporynnyŋ qoldauymen jaŋa äleumettık bastamalar jüzege asyrylmaq.
«Qarmet» kompaniiasy oblys aumaǧynda temır jäne marganes kenın öndıretın «Örken» JŞS arqyly jūmys ısteidı. Taraptar qol qoiǧan özara ärıptestık yntymaqtastyq aiasynda kompaniia 2026–2028 jyldary qaladaǧy bırqatar äleumettık nysandy jaŋǧyrtu men infraqūrylymdy damytuǧa qarjy baǧyttaidy.
Jospar boiynşa «Balböbek» balabaqşasyn kürdelı jöndeu, kommunaldyq qyzmetterge arnaiy tehnika satyp alu jäne medisina qyzmetkerlerınıŋ eŋbek jaǧdaiyn jaqsartu közdelgen.
Kompaniia sonymen qatar öŋır jastaryn sportqa tartuǧa baǧyttalǧan jobalar men sporttyq bastamalardy qarjylandyruǧa niettı.
