Ózbekstannyń memlekettik qaryzy 2021 jyldyń 1 shildedegi jaǵdaı boıynsha$24,2 mlrd dollardy nemese jalpy ishki ónimniń (JIÓ) 38,5% -yn qurady. Bul týraly Ózbekstan Respýblıkasy Qarjy mınıstrligi málimdedi, dep habarlaıdy "Adyrna" ulttyq portaly.
Qarjy mınıstrliginiń derekteri boıynsha, memlekettik syrtqy qaryz ótken toqsanmen salystyrǵanda shamamen $800 mln dollarǵa ósip, 21,8 mlrd. dollardy qurady (JIÓ -niń 34,7%).
Bul rette úkimet atynan jınalǵan qaryz $15,4 mlrd. dollardy jáne Ózbekstan kepildigi boıynsha $6,4 mlrd. dollardy quraıdy.
Qarjy mınıstrligi memlekettik ishki qaryz $200 mln-ǵa ósip, $2,4 mlrd-ty (JIÓ-ge 3,8%) quraǵanyn atap ótti. Memlekettik baǵaly qaǵazdardyń kólemi 3,17 trln. somdy jáne memleket kepildigindegi ishki qaryz - $2,1 mlrd dollardy qurap otyr.
Ózbekstannyń Azııa damý banki aldyndaǵy qaryzy $5 mlrd dollar, Dúnıejúzilik bankke – $3,8 mlrd dollar, Qytaı eksport-ımport bankine - $2 mlrd dollar, Japon Halyqaralyq yntymaqtastyq agenttigine – $2,2 mlrd dollar, Qytaı memlekettik damý bankine jáne t.b. basqalaryna – $2,2 mlrd dollar, Islam Damý Banki – $0,9 mlrd dollar jáne basqa da halyqaralyq qarjy ınstıtýttaryna– $2,4 mlrd dollardy qurap otyr.
Qarjy mınıstrliginiń málimetinshe, Ózbekstannyń syrtqy qaryzdarynyń 70,3% - y AQSh dollarymen, 11,7% – y japon ıenimen, 9,2% - y SDR-men, 4,7% - y evromen tartylǵan.
Ózbekstan esepti kezeńde bıýdjetti qoldaýǵa $ 4,7 mlrd dollar bóldi (jınalǵan qarajattyń 21,6%).
Bul rette tartylǵan qarajattyń 14,1% – y ($3,1 mlrd dollar) elektr energetıkasyn damytýǵa, 12,5% – y ($2,7 mlrd dollar)-energetıka salasyn damytýǵa, 11,6% - y ($2,5 mlrd dollar) kólik ınfraqurylymyn damytýǵa jáne 9,2% - y ($2 mlrd dollar) turǵyn úı-kommýnaldyq sektordy damytýǵa baǵyttaldy.
Aıta keteıik, taǵy $1,3 mlrd. dollar bank salasyna, $1,2 mlrd. dollar – hımııa salasyna, $0,7 mlrd. dollar – bilim berý salasyna, $0,2 mlrd. dollar – telekommýnıkaııa salasyna baǵyttaldy.
"Adyrna" ulttyq portaly
