29 qazan kúni qazaqsha-mońǵolsha, mońǵolsha-qazaqsha sózdikter jaryq kórdi, dep habarlaıdy "Adyrna" ulttyq portaly.
Ulanbatyr qalasynda áıgili altaıst ǵalym Bazylhan Buqatuly men Túrki akademııasynyń sarapshysy Nápil Bazylhan qurastyrǵan "Qazaqsha-mońǵolsha sózdik" jáne "Mońǵolsha-qazaqsha sózdik" jaryq kórdi. Sózdikterdiń jaryq kórýi Qazaqstan basshysy Qasym-Jomart Toqaevtyń Mońǵolııaǵa memlekettik sapary kezinde júzege asqan Qazaqstan men Mońǵolııa arasyndaǵy mádenı jáne ǵylymı yntymaqtastyqtyń bir kórinisi bolyp tabylady. Bul mańyzdy eńbekti jarııalaýǵa Mońǵolııa prezıdenti Ýhnaagıın Húrelsúh tikeleı qoldaý kórsetti.
Qos sózdiktiń alǵysózin Mońǵolııa prezıdent keńsesiniń basshysy Gombojavyn Zandanshatar jazǵan. Árqaısysynda shamamen 60 myń sóz qamtylǵan bul sózdikter – altaıstıka, túrkologııa, qazaqtaný jáne mońǵoltaný salalary boıynsha zertteýlerge qajetti leksıkografııalyq talaptarǵa saı qurastyrylǵan qundy ǵylymı eńbek.
Sózdikti baspaǵa daıyndaý isin uıymdastyrýda Mońǵolııa prezıdenti janyndaǵy Til saıasaty ulttyq keńesiniń jáne resmı ister basqarmasy jetekshisi, fılologııa ǵylymdarynyń doktory (PhD) Nıamhúúgıın Narangerel jetekshilik etti.
