Sot Air Astana äue kompaniiasyn 12 jastaǧy qyzdy ūşaqqa otyrǧyzbaǧany üşın onyŋ anasyna 5 mln teŋge kölemınde moraldyq ötemaqy töleuge mındettedı, dep habarlaidy “Adyrna” ūlttyq portaly.
«Sot Air Astana-ny Zerenıŋ anasyna 5 million kölemınde moraldyq ötemaqy töleuge mındettedı. Bız jeŋdık. Balanyŋ anasy ekeumız oryn alǧan artyq tapsyrysty däleldeu üşın ūzaq jol jürdık. Bastapqyda būl ıs qoǧamda rezonans tudyrmaiynşa, bızdıŋ şaǧymymyzǧa män berılgen joq», - dedı advokat Danilhan Şaǧataev özınıŋ Telegram-arnasynda.
20 şıldede Zere jäne Zäure atty egız qyz Amerikadan elge qaitqan. Olar senımdı ökılmen, bır top balamen saiahattaǧan. Qaitarda Astana arqyly tranzitpen Oralǧa ūşuy kerek bolǧan, bıraq Zerenı kompaniia bortqa kırgızbei, jalǧyz özın tastap ketken. Sonyŋ saldarynan egızdıŋ syŋary Astana äuejaiynda jalǧyz qalyp qoiǧan. Al senımdı ökıl basqa balalarmen ūşyp ketken. Äuejaidaǧy beinebaqylau kameralarynyŋ jazbalarynan 12 jastaǧy qyzdyŋ 3 saǧat jylap tūrǧanyn köruge bolady. Osy oqiǧadan keiın FlyArystan basşysy balanyŋ anasymen kezdesıp, keşırım sūrap, ötemaqy retınde 4 million teŋge ūsynǧan. Bıraq äiel odan bas tartyp, sotqa jügıngen. FlyArystan äue kompaniiasy syiymdylyǧy 188 oryndyq ūşaqty 180 oryndyq bortqa auystyrǧany anyqtaldy. Nätijesınde Zere 181-jolauşy retınde tırkelıp, ūşaqqa otyra almaǧan. 19 jäne 20 künı ūşuy kerek reis jolauşylary da osy bortqa otyrǧyzylǧan. Nätijesınde kämeletke tolmaǧan jolauşy äuejaida qalyp qalǧan. Äue kompaniiasy balany qala ışındegı qonaqüige ornalastyrudy ūsynǧan. Alaida anasy balanyŋ jalǧyz özı qonaq üige baruyna qarsy bolypty. Öitkenı bala zaŋdy ökılderınsız tırkele almaidy. Artynşa anasynyŋ ötınışı boiynşa, äuejaiǧa balanyŋ tuysy kelgen. Polisiia qyzmetkerı men tuysynyŋ mälımetınşe, äue kompaniia ökılderı balanyŋ tuysy jolauşy bolmaǧandyqtan qonaqüi beruden bas tartqan. Sotta äue kompaniia ökılderı qonaqüimen kelısım boiynşa tek jolauşylar ǧana tegın qala alatynyn mälımdedı. Eske salaiyq, būǧan deiın FlyArystan äuekompaniiasy 12 jasar qyzdy reiske mıngızbei, jalǧyz özın özge qalada qaldyryp ketkenı habarlanǧan. Oqiǧadan keiın qyzdyŋ anasy äuekompaniianyŋ qyzmetıne narazylyq bıldırgen bolatyn.Ūqsas jaŋalyqtar
