Ótken aptada jazasy jeńildep, túrmeden bosatylǵan Qaırat Boranbaevtyń nemere baýyry Ábilhan Boranbaev pen odan para alǵan jedel ýákil Dáýren Qazybekti Astana qalasynyń qylmystyq ister jónindegi aýdanaralyq soty sottady. Bul týraly sadaqmedia.kz jarııalady, dep habarlaıdy “Adyrna” ulttyq portaly.
Resmı málimetterge súıensek, Astana qalasynyń qylmystyq ister jónindegi aýdanaralyq soty 19 qazan kúni osy oqıǵaǵa qatysty qylmystyq isti qaraǵan.
Ábilhan Boranbaev jedel ýákil Dáýren Qazybek pen onyń áriptesi (kúdikti tergeý kezinde qaza tapqan, oǵan qatysty is toqtady - agenttik) 1,6 mln teńge kóleminde para bergen dep aıyptaldy.
Aqparat boıynsha, bul aqshany alǵan Dáýren Qazybek pen onyń qaza bolǵan áriptesi tergeý úshin qamaýǵa alynǵan Qaırat Boranbaevqa mobıldi baılanys berip, kezdesý ótkizgen.
Sonymen qatar, sotta dáleldengendeı, 22 qyrkúıek Qaırat Boranbaevtyń týǵan kúninde túrmege alkogoldi ishimdik kirgizip, úshinshi tulǵalarmen proestik emes baılanysqa túsýine zańsyz múmkindik bergen.
Sot jedel ýákil Dáýren Qazybekti 7 jylǵa, al, Qaırat Boranbaevtyń týysy Ábilhan Boranbaevty 4 jyl alty aıǵa sottady. Sheshim zańdy kúshine engen joq.
