16 jastaǵy Sherzat Polattyń isi Qylmystyq kodekstiń bes baby boıynsha tergelip jatyr. Bul týraly Ishki ister mınıstri Erjan Sádenov Májilis depýtattarynyń saýalyna bergen jaýabynda aıtty, dep habarlaıdy «Adyrna» tilshisi.
«Talǵar qalasynda bolǵan Sh.Polattyń ólimine qatysty Almaty oblysynyń polıııa departamenti Qylmystyq kodekstiń 99-baby 2-bóligi (adam óltirý), 293-baby 3-bóligi (buzaqylyq), 115-baby (qorqytý), 432-baby (qylmysty jasyryp qalý) jáne 434-babymen (qylmys týraly habarlamaý) qylmystyq isterdi tirkep, tergep jatyr. Tergeý barysy meniń jeke baqylaýymda, oqıǵa ornynda mınıstrliktiń ortalyq apparatynyń qyzmetkerleri de jumys istep júr», - delingen jaýapta.
Mınıstr «Qasaqana kisi óltirýge qatysty» degen kúdikpen segiz adam, «Qylmys týraly habarlamaý» baby boıynsha úsh adam sot sankııasymen qamalǵanyn atap ótti.
Esterińizge salaıyq, 4 qazan kúni Talǵar qalasynda tóbeles bolyp, 16 jastaǵy Sherzat Polat kisi qolynan qaza tapqan edi.
