Qazaqstan Ūlttyq Olimpiadalyq komitetınıŋ prezidentı Gennadii Golovkin Pueblodaǧy (AQŞ) bokstan alǧaş ret ötıp jatqan U19 älem chempionatynyŋ aşylu saltanatyna qatysty, dep habarlaidy "Adyrna" ūlttyq portaly.
Ūlttyq Olimpiadalyq komitettıŋ mälımetınşe, ıs-şarada söz alǧan Gennadii Golovkin älem bırınşılıgınıŋ maŋyzyna toqtalyp, atalǧan doda sporttaǧy jaŋa daryndardyŋ jūldyzyn jaǧuǧa kömektesetın alaŋ ǧana emes, sonymen bırge türlı elden kelgen jas boksşylardyŋ bırlıgı men dostyǧynyŋ belgısıne ainalatynyna senımdı ekenın jetkızdı.
Älem chempionatyna 30 elden 180 sportşy qatysyp jatyr. Qazaqstan namysyn Erasyl Amanǧaliev (55 kelıge deiıngı salmaqta), Asylhan Köşerbai (65 kelıge deiıngı salmaqta), Dias Serıkūly (70 kelıge deiıngı salmaqta), Daniial Raiymbekov (85 kelıge deiıngı salmaqta) qorǧaidy. Alǧaşqy bolyp ringke Dias Serıkūly şyqty. Ol Aljir komandasynyŋ ökılı İslam Dahlaldy jeŋdı.
Aita keteiık, World Boxing – 2023 jyldyŋ säuır aiynda qūrylǧan Halyqaralyq boks federasiiasy. Biylǧy jyldyŋ qyrküiek aiynda Qazaqstan atalǧan ūiymǧa kıru üşın ötınış berdı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz