Türkiia qazaǧy, änşı, aqyn, kompozitor, Beşır Ahmet Köse ömırden ozdy. Qaraly habardy jurnalist Erjan Tölek jetkızdı, dep habarlaidy «Adyrna» tılşısı.
«Bäşır aǧamyz Türkiiadaǧy qazaqtardyŋ jarqyn ökılınıŋ bırı edı. Jüregı keŋ, baladai aŋqyldaǧan taza adam bolatyn. Türkı älemıne Qazaq mädenietınıŋ därıpteluıne teŋdessız üles qosty.
Ystanbūlǧa joly tüsken qazaqstandyq öner maitalmandary Bäşır aǧamyzǧa sälem bermei ketpeitın. Sonda oqyp jürgen qazaq jastaryn erekşe qoldaityn. Jeŋgemız marqūmnyŋ qolynan küreŋ şäiın ışıp otyryp aǧamyzdyŋ talai äŋgımesı men änın tyŋdap edık...
Ömırın önerge ainaldyrǧan Bäşır aǧa da bū dünienı tärk etıptı. Sız salǧan änder men jarqyn beineŋız mäŋgı jüregımızde. Türkiiadaǧy qazaq jūrtyna, aǧanyŋ äuletıne qaiǧyra köŋıl aitamyn»,– delıngen habarlamada.
Aita keteiık, Beşır Ahmet Köse 1955 jyly Türkiianyŋ Salihli qalasynda tuǧan. Onyŋ «Altai tauym», «Köktem», , «Jalǧyz köŋılım» syndy änderı bar.
