Şyǧys Qazaqstan oblysynda aiu adamǧa şabuyl jasap, 58 jastaǧy er adam auyr jaraqat aldy. Oqiǧa Ridder qalasynyŋ maŋynda, Batys Altai memlekettık tabiǧi qoryǧyna jaqyn ornalasqan demalys bazasynyŋ janyndaǧy omartada bolǧan. Būl turaly YKnews jazdy, dep habarlaidy "Adyrna".
Oqiǧa şılde aiynyŋ soŋynda tırkelgen. Aiu şabuyl jasaǧan kezde er adammen bırge bolǧan ekı azamat oǧan jyrtqyştan qorǧanuǧa kömektesken. Osy sätten keiın aiu ormanǧa qaşyp ketken.
Jaraqat alǧan azamat bırneşe kün jansaqtau bölımınde emdelıp, keiın travmatologiia bölımıne auystyrylǧan. Därıgerler onyŋ basy, qoly men aiaǧynda köptegen jaraqat baryn anyqtaǧan. Sonymen qatar er adamnyŋ qoly men aiaǧynda yǧysumen asqynǧan aşyq synyqtar bolǧan.
19 tamyzda nauqas auruhanadan şyǧarylyp, qazırgı uaqytta üi jaǧdaiynda em qabyldap jatyr.
Orman jäne aŋşylyq şaruaşylyǧy jedel äreket etu jasaǧynyŋ bastyǧy orynbasary Sergei Karmannikovtyŋ aituynşa, oqiǧadan keiın inspektorlar qaru alyp, oqiǧa ornyna barǧan. Mamandar adamǧa şabuyl jasaǧan aiudy atyp joiǧan. Qazır aumaqta qauıp joq.
Maman aiudyŋ adamǧa ne sebeptı şabuyl jasaǧanyn naqty aita almaitynyn jetkızdı. Onyŋ sözınşe, biyl tūrǧyndardan aiulardyŋ eldı mekenderge jaqyndauyna bailanysty şaǧymdar köbeigen. İnspektorlar mūndai jaǧdailarda oqiǧa ornyna baryp, jyrtqyştardy adamdardan aulaq ūstauǧa tyrysady. Alaida adam ömırıne tıkelei qauıp töngen jaǧdaida ǧana aiudy atuǧa rūqsat etıledı.
Karmannikovtyŋ aituynşa, soŋǧy uaqytta aiulardyŋ malǧa şabuyl jasaǧan jaǧdailary da kezdesken. Keide tūrǧyndar jyrtqyştarǧa tym jaqyn jerden tap bolyp jatady. Degenmen mamannyŋ täjıribesınde būl — aiudyŋ adamǧa jasaǧan alǧaşqy şabuyly.
Mamandar Şyǧys Qazaqstan oblysynda aiu sanynyŋ artqanyn da atap otyr. Ötken jyly inspektorlar ūrǧaşy aiulardyŋ bırneşeuı ekı-üş qonjyqtan tuǧanyn baiqaǧan.
Sonymen qatar ormandaǧy tabiǧi qorektıŋ azaiuy jyrtqyştardyŋ adamdarǧa jaqyn aumaqtarǧa jiı şyǧuyna äser etıp otyr. Ötken jäne biylǧy jyldary aiaz ben quaŋşylyq saldarynan ormandaǧy jidek pen balqaraǧai jaŋǧaǧy öte az bolǧan. Sonyŋ saldarynan aiular qorek ızdep qoqys oryndaryna, qarausyz qalǧan saiajailar men baqşalarǧa jaqyndai bastaǧan.
