قازاقستان ۇلتتىق وليمپيادالىق كوميتەتىنىڭ پرەزيدەنتى گەننادي گولوۆكين پۋەبلوداعى (اقش) بوكستان العاش رەت ءوتىپ جاتقان U19 الەم چەمپيوناتىنىڭ اشىلۋ سالتاناتىنا قاتىستى، دەپ حابارلايدى "ادىرنا" ۇلتتىق پورتالى.
ۇلتتىق وليمپيادالىق كوميتەتتىڭ مالىمەتىنشە، ءىس-شارادا ءسوز العان گەننادي گولوۆكين الەم بىرىنشىلىگىنىڭ ماڭىزىنا توقتالىپ، اتالعان دودا سپورتتاعى جاڭا دارىنداردىڭ جۇلدىزىن جاعۋعا كومەكتەسەتىن الاڭ عانا ەمەس، سونىمەن بىرگە ءتۇرلى ەلدەن كەلگەن جاس بوكسشىلاردىڭ بىرلىگى مەن دوستىعىنىڭ بەلگىسىنە اينالاتىنىنا سەنىمدى ەكەنىن جەتكىزدى.
الەم چەمپيوناتىنا 30 ەلدەن 180 سپورتشى قاتىسىپ جاتىر. قازاقستان نامىسىن ەراسىل امانعاليەۆ (55 كەلىگە دەيىنگى سالماقتا), اسىلحان كوشەرباي (65 كەلىگە دەيىنگى سالماقتا), دياس سەرىكۇلى (70 كەلىگە دەيىنگى سالماقتا), دانيال رايىمبەكوۆ (85 كەلىگە دەيىنگى سالماقتا) قورعايدى. العاشقى بولىپ رينگكە دياس سەرىكۇلى شىقتى. ول الجير كومانداسىنىڭ وكىلى يسلام داحلالدى جەڭدى.
ايتا كەتەيىك، World Boxing – 2023 جىلدىڭ ءساۋىر ايىندا قۇرىلعان حالىقارالىق بوكس فەدەراتسياسى. بيىلعى جىلدىڭ قىركۇيەك ايىندا قازاقستان اتالعان ۇيىمعا كىرۋ ءۇشىن ءوتىنىش بەردى.
