Biz jalpy eliktegish halyqpyz. Áıteýir jurttyki ózimizdikinen artyq kórinip turady.
Jurttyń balasy tilalǵysh, kórshiniń kúıeý mal tapqysh, basqanyń áıeli pysyq, sheteldiń kıimi jaqsy, kórshi eldiń azyq-túligi sapaly, óz tilimizdegi mektepter nashar bilim beredi, balamyz ózge tilde bilim alsa, myqty, jan-jaqty bolady... Aıta bersek, kóp endi...
"Oıbýı, ana japondar degen keremet eken, balalaryn tıtteıinen eńbekke úıretedi, sodan bulardyń tárbıesi keremet, ózi baı el eken!", -deımiz!
"Ana AQSh degende artyq sý aǵyzbaıdy, jaryq jaqpaıdy, únemshildigi sumdyq eken endi",-deımiz.
Taǵy bir eldi "kósheleri tap-taza, bir qoqys joq, eldiń úkimeti qandaı tamasha!" deımiz.
Keshi bir tilge qatysty postyma: "oı, tildiń jaǵdaıy sol, biz qazaq bolmaımyz",- dep jazypty.
Sonda osynyń barlyǵyn árqaısymyz ózimizden, óz otbasymyzdan bastaý kerektigin umytamyz.
Áıteýir bárin "bireý bastaý kerek, bireý jasap berý kereý, tek ózimiz emes"...
Qazaqtyń da tárbıesi únemshildikke, ysyrapshyldyqqa jol bermegen, eńbekqorlyqqa úıretip, jastaıynan tárbıelegen.
Qazaqtyń ár maqalyn kúnine bir oqyp qoıyńyzshy, árqaısynyń astarynda ushan-teńiz tárbıe jatyr!
Máselen, "Sýdyń da suraýy bar" degendi aıtamyz, sonyń maǵynasyna nazar aýdaramyz ba?
Mine, únemdeýge úıretý, ysyrapshyldyqqa jol bermeý!
Balany eńbekpen tárbıeleýge qatysty da kóptegen naqyldar bar.
Qazaǵym ár isine, qımylyna maqal-mátel, naqyl sóz shyǵaryp qoıǵandaı, tereńine boıla da, urpaǵyńnyń tárbıesine paıdalana ber! Sonda japonǵa da, Ámerıkaǵa da,basqa da qyzyqpaısyń.
Ózbekter tálim-tárbıege myqty, sheshender qyzdarynyń tárbıesine jaqsy deımiz, qyzyǵymyz.
Qazaqtyń tárbıesi eshkimnen kem bolmaǵan, tipti kezinde talaı jıhankezder, patshalar tańqalǵan eken.
Qazaq eshqashan jetimin jylatpaǵan, jesirin jibermegen, baılary kedeı-kepshik aýyldastaryna, rýlastaryna qaraılasqan.
Jetimder úıi, ajyrasý degen "kórińde ókirgir" keńes úkimetimen kelgen dert.
Endi kep, "Japonııada solaı eken" dep, Japonııaǵa tańǵalamyz. Ózbek salt-dástúrge berik dep tamsanamyz.
Revolıýııaǵa deıin bizdiń salt-dástúr, ádet-ǵurpymyzǵa tańǵalǵan zertteýshilerdiń pikirleri -QAZAQTYŃ ULY HALYQ bolǵanynyń dáleli!
Basqaǵa qarap tańǵalmaı, boıymyzdaǵy, qanymyzdaǵy tegimizdegi asyl qasıetterdi oıatýymyz kerek.
Ózgenikin "Keremet!" dep tamsana bergenshe, NAǴYZ QAZAQ árqaısymyz ózimizden bastaıyq, erinbeı, qaǵaz-qujatty aýystyrý jumysynan qashpaı, tegimizdi qazaqshalaıyq, balamyzdy tek qazaqsha oqytaıyq, eńbekqorlyqqa, únemshildikke, ekotazalyqqa úıreteıik!
Ózimiz kóshege qolymyzdaǵy qoqysty tastap, qaqyryp-túkirip júrip, "mynany, ákimder nege qaramaıdy,á!" dep júrip,bala túgili ózimizdi-ózimiz tárbıeleı almaımyz.
Jaǵylyp qalǵan jaryq bolsa, sóndir, shashylyp jatqan nárse bolsa, jına, shashyp jatsa, aıt, sonda ul-qyzyńyz qarap boı túzeıdi.
Tegińdi qazaqshala, "ov, ovadan,ovıch, ovnadan qutyl. Qyzmetti, bankomatty qazaqsha qoldan.
"Balańdy qazaqsha oqytpa" dep saǵan úkimet aıtyp jatqan joq ǵoı!
Qazaqtar balalaryn jappaı qazaqshaǵa berse, orys mektebine suranys azaıyp, óz-ózinen jabylady.
Sonda ózge elge qyzyqpaı, ózimizdikimen maqtanatyn bolamyz!
Al munyń bári ata-babamyz muraǵa tastap ketken tárbıede bar!
Qyzdarymyz qylyqty, uldarymyz namysty bolsyn, ajyrasý bolmasyn, jetimder jylamasyn desek, ulttyq tárbıeni qolǵa alý kerek!
"Ultymyz ult bolyp qalsyn" desek, besigimizdi túzeıik!
Basqa jol joq!
Turar SÁTTARQYZY
"Adyrna" ulttyq portaly
