Memleket basshysy Qasym-Jomart Toqaev Nursultan Nazarbaevtyń sińirgen eńbegi týraly aıtty, dep habarlaıdy «Adyrna» ulttyq portaly.
«Elimiz úshin osy basty merekede Tuńǵysh Prezıdent Nursultan Ábishuly Nazarbaevtyń sińirgen eńbegin de atap ótýimiz kerek. Ol qazirgi qazaq memlekettiligin qalyptastyrýda sheshýshi tarıhı ról atqardy. Onyń eńbegi umytylmaýy kerek. Bul bizdiń bolashaǵymyz úshin óte mańyzdy. Qazaqtar: «jaqsynyń jaqsylyǵyn aıt» deıdi. Búgingi kúndi ádil baǵalaý úshin ótkendi de ádil baǵalaý kerek», - dedi Memleket Basshysy Respýblıka kúnine oraı memlekettik nagradalardy tapsyrý saltanaty kezinde.
Aıta keteıik, Respýblıka kúni Nursultan Nazarbaevtyń jarlyǵymen 1995 jyly qazanda memlekettik mereke bolyp jarııalandy. Alaıda, 2009 jyly «Qazaqstan Respýblıkasyndaǵy merekeler týraly» qoldanystaǵy zańǵa ózgerister engizilip, Respýblıka kúni atalyp ótilmeıtin boldy.
