«QYZYL AI» QOǴAMY QYSYLǴANǴA KÓMEK BEREDI

1611

Memleket basshysy Qasym-Jomart Toqaevtyń 2020 jyldy eriktiler jyly dep jarııalaǵany óte mańyzdy sheshim boldy. Bul týraly Jambyl oblystyq «Qyzyl Aı»  qoǵamynyń dırektory  Orazkúl Tastemirova málimdedi, dep habarlaıdy adyrna.kz ulttyq portaly.

Orazkúl Toıbekqyzynyń aıtýynsha, qoǵamdyq uıymnyń jumysynyń jandanýyna eriktiler kóp úles qosady. Sondyqtan da ol prezıdenttiń keler jyldy eriktiler jyly dep jarııalaýy qoǵamdyq uıymdardyń boıyna qan júgirtedi dep esepteıdi.

– «Qazaqta apat aıtyp kelmeıdi» degen qanatty sóz bar. Rasynda elimizde ártúrli oqys oqıǵalar bolyp, sonyń saldarynan qarapaıym halyq kómekke muqtaj bolyp jatady. Máselen, kúni keshe Arys qalasy bombanyń astynda qalǵanda eriktiler aıaǵynan tik turyp, el birligin pash etti. Áıtse de, bizdiń elde eriktilerge áli de bolsa tıisti deńgeıde kóńil bólinbeı otyr. Meniń oıymsha, prezıdenttiń eriktilerge baılanysty sheshimi bizdiń elde kenjelep qalǵan salanyń boıyna qan júgirtedi dep esepteımin. Shyn mánisinde bizdiń jumysymyzdyń jandanýy eriktilerge tikeleı baılanysty. Ókinishke qaraı bizdiń qoǵamdyq uıymǵa eriktiler kóp kelip jatqan joq. Mektep pen kolledj jáne ýnıversıetter de jıyn ótkizip, «tótenshe jaǵdaı bolǵan kezde ne isteý kerek» degen taqyrypta  trenıgter ótkizemiz. Sol jıyndarda jastardy qoǵamdyq uıymnyń jumysyna atsalysýǵa shaqyryp jatamyz. Olardyń ishinde bizdiń usynysyzdy qabyl alatyndar bar. Biraz az, – deıdi ol.

«Qyzyl Aı» qoǵamdyq uıymy ot pen sýdyń ortasynda júredi. Máselen, Arys qalasynyń halqy qıyn jaǵdaıǵa tap bolǵan da, eń birinshi bolyp osy uıym kómek qolyn sozǵan. Sondaı-aq, ol qoǵamdyq uıymnyń balalarǵa aıryqsha qamqorlyq jasaıtynyn aıtady.

– Merki aýdanyndaǵy «Juldyz» lagerinde Arys qalasynan 50 bala kelip, demalyp qaıtty. «AraıStroıMarket» JShS demeýshiliginiń arqasynda Arystyq balalarǵa aıaq kıim men fýtbolka sekildi kıim-keshek berip, kóńilin kóterdik. «Neke jáne Januıa» klınıkasynyń janyndaǵy úı jarylǵanda, odan zardap shekkenderge kómektestik. Naqtyraq aıtsam, «Hlebnyı Dar» naýbaıhanasyna ótinishpen shyǵyp, turǵyndardy nanmen qamtamasyz ettik. Budan bólek, «Mektepke jol» akııasyna qoldaý kórsetip, kóp balaly jáne asyraýshysy joq 22 balanyń oqý quraldaryn satyp alyp berdik. Buǵan bizge «Kerege» jáne «Adeko-Taraz» JShS, «Galo» kondıterlik fabrıka men Úsen Sáken syndy azamattar kómek kórsetti. Sondaı-aq, Arab ámirligi 2005 jyldan beri 560 balanyń kámilettik jasqa tolǵanynsha kómek kórsetedi. Eger qandaıda bir balanyń jasy 21-22 asyp ketse onyń ornyna jańa adamdy alyp, tizimdi jańalaımyz, – deıdi ol.

Orazkúl Toıbekqyzynyń aıtýynsha, «Qyzyl Aı» uıymy halyqtyń aqshasynyń arqasynda qarjylandyrylyp otyr. Iaǵnı, qarapaıym halyq pen kásipkerlerdiń qaırymdylyǵynyń arqasynda jumys júrgizilýde.

"ADYRNA"

ulttyq portaly

Pikirler
Redakııa tańdaýy