Ótken beısenbide Taldyqorǵannan bir jigit habarlasty. “Aǵa, erteń kele alasyz ba?” deıdi entigip. “Tynyshtyq pa?” deımin. “Sizben kezdesý uıymdastyrsaq” deıdi. B. Rımova teatrynda «Medal» spektakli qoıylǵanda ǵana týǵan jerde bir shyǵarmashylyq qaýyshý bolǵan edi. Osy ýaqytqa deıin Taldyqorǵanda oqyrmanmen bes mınýttyq ta kezdesý ótkizbeppin. “Jaqsy” dep kelistim. Búgin kelsem, «Sybaılas jemqorlyqqa qarsy erkin formattaǵy» kezdesý dep tur. Eki jas qyz júr eken.
- Meniń jemqorlyqqa qatysym ne? - desem, kúmiljip durys jaýap bere almady. Aqyry keldim ǵoı dep otyrdym. Sonymen bir saǵat ótti eshkim joq.
- Qyzdar, bunyń bári otchet úshin ǵoı. Vıdeoǵa túsirip alyńdar. Keshigip kele jatqan kórermendi túsirip, montaj jasaı salarsyńdar,- desem “maqul” deıdi. Negizi ázildep aıtqam. “Jaqsy-jaqsy” dep mobılogrofqa túsirtip jatyr.
- Balalar, mynalaryń uıat qoı. Aman bolyńdar, - desem, “renjimeńizshi” deıdi. Tipti erteń kele alasyz ba dep qoıady. (Almatydan jumysymdy tastap kelgen em). Áńgime osy. Uıymdastyrýshy - Qoǵamdyq damý basqarmasy men oblystyq antıkor.
Osy áńgimeni feısbýkke jazbaı-aq qoıar em. Jyl basynda «Shatyrdaǵy áıel» kitabymnyń tusaý keserin ótkizip bereıik degen shaqyrtýdy baspagerim Asylan Tilegen arqyly alǵanmyn. Ol kezde de otchet úshin bop qaldy. Taldyqorǵandaǵy Jumataı Ospanuly bastaǵan qalamgerler «Qaqa, mynaý bylaı bolady dep oılamadyq. Keıin ózimiz durystap uıymdastyraıyqshy» degen edi.
Aıtpaqshy, qaıtyp bara jatsam shotyma elý myń teńge tústi. Dana esimdi qyz qońyraý shalyp keshirim surady. 50 myń qalamaqym eken. Qaıta ózine salyp jiberdim. Qorlanyp ketip baram.
Qanat Tileýhan
