Ötken beisenbıde Taldyqorǧannan bır jıgıt habarlasty. “Aǧa, erteŋ kele alasyz ba?” deidı entıgıp. “Tynyştyq pa?” deimın. “Sızben kezdesu ūiymdastyrsaq” deidı. B. Rimova teatrynda «Medal» spektaklı qoiylǧanda ǧana tuǧan jerde bır şyǧarmaşylyq qauyşu bolǧan edı. Osy uaqytqa deiın Taldyqorǧanda oqyrmanmen bes minuttyq ta kezdesu ötkızbeppın. “Jaqsy” dep kelıstım. Bügın kelsem, «Sybailas jemqorlyqqa qarsy erkın formattaǧy» kezdesu dep tūr. Ekı jas qyz jür eken.
- Menıŋ jemqorlyqqa qatysym ne? - desem, kümıljıp dūrys jauap bere almady. Aqyry keldım ǧoi dep otyrdym. Sonymen bır saǧat öttı eşkım joq.
- Qyzdar, būnyŋ bärı otchet üşın ǧoi. Videoǧa tüsırıp alyŋdar. Keşıgıp kele jatqan körermendı tüsırıp, montaj jasai salarsyŋdar,- desem “maqūl” deidı. Negızı äzıldep aitqam. “Jaqsy-jaqsy” dep mobilogrofqa tüsırtıp jatyr.
- Balalar, mynalaryŋ ūiat qoi. Aman bolyŋdar, - desem, “renjımeŋızşı” deidı. Tıptı erteŋ kele alasyz ba dep qoiady. (Almatydan jūmysymdy tastap kelgen em). Äŋgıme osy. Ūiymdastyruşy - Qoǧamdyq damu basqarmasy men oblystyq antikor.
Osy äŋgımenı feisbukke jazbai-aq qoiar em. Jyl basynda «Şatyrdaǧy äiel» kıtabymnyŋ tūsau keserın ötkızıp bereiık degen şaqyrtudy baspagerım Asylan Tılegen arqyly alǧanmyn. Ol kezde de otchet üşın bop qaldy. Taldyqorǧandaǧy Jūmatai Ospanūly bastaǧan qalamgerler «Qaqa, mynau bylai bolady dep oilamadyq. Keiın özımız dūrystap ūiymdastyraiyqşy» degen edı.
Aitpaqşy, qaityp bara jatsam şotyma elu myŋ teŋge tüstı. Dana esımdı qyz qoŋyrau şalyp keşırım sūrady. 50 myŋ qalamaqym eken. Qaita özıne salyp jıberdım. Qorlanyp ketıp baram.
Qanat Tıleuhan
Ūqsas jaŋalyqtar
