Astanada ötken qazaq küresınen «Qazaqstan Barysy» turnirınde Marat Baiqamūrov jeŋımpaz atandy, dep habarlaidy “Adyrna”.
Biylǧy saiysqa 43 baluan qatysyp, jarystyŋ jülde qory 27 million teŋgenı qūrady.
Finaldyq kezdesude Marat Baiqamūrov byltyrǧy chempion Erasyl Qajybaevty jeŋıp, turnirdıŋ jaŋa chempiony atandy. Al qola jülde Düniejüzılık köşpendıler oiyndarynyŋ chempiony Nūrdäulet Jarlyǧapovqa būiyrdy.
Marat Baiqamūrov jarysqa "Äsker Barysy" komandasynyŋ atynan qatyssa, Erasyl Qajybaev – Abai oblysynyŋ, Nūrdäulet Jarlyǧapov – Maŋǧystau oblysynyŋ namysyn qorǧady.
Memleket basşysy Qasym-Jomart Toqaev "Qazaqstan barysy – 2025" turnirınıŋ jeŋımpazyn qūttyqtady.
"Marat Baiqamūrovty qazaq küresınen "Qazaqstan barysy – 2025" turnirındegı jarqyn jeŋısımen qūttyqtaimyn! Ol tamaşa öner körsetıp, janküierler köŋılınen şyqty. Memleket qazaq küresınıŋ damuyna aldaǧy uaqytta da qoldau körsete beredı", – dedı Memleket basşysy öz qūttyqtauynda.
Aita keteiık, "Qazaqstan barysy" turnirı 2011 jyldan bastap dästürlı türde ötkızılıp keledı jäne eldegı eŋ bedeldı sporttyq jarystardyŋ bırı sanalady.
